മനസ്സിലുള്ളത് പുറത്തു പറയാതെ ഞാൻ എണീറ്റു ചെന്ന് അവളെ ചേർത്തു നിർത്തി നെറുകയിൽ ചുംബിച്ചു.”

#ഒരു_ബുള്ളറ്റ്_ഇഷ്തം

കയ്യിൽ മൊത്തം കാശുണ്ടായിട്ടല്ല എന്റെ ഏറെ നാളത്തെ ആഗ്രഹത്തിന്റെ പേരിലാണ് ബുള്ളറ്റ് ബുക്ക് ചെയ്തത്. ഇനി 53000 കൂടി വേണം. അതിനെന്തു ചെയ്യുമെന്ന് തലപുകഞ്ഞു ആലോചിച്ചോണ്ടിടരിക്കുമ്പോളാണ് അവളുടെ ചോദ്യം.

“ഏട്ടാ… എട്ടാനെന്നോട് എത്ര ഇഷ്ടമുണ്ട്”

“53 ”

“ങേ… ബാക്കി 37 എവിടെപ്പോയി ”

ഈശ്വരാ.. പണി പാളിയോ..
“എടിയെ ഞാൻ നമ്മുടെ ബുള്ളെറ്റിന് വേണ്ട ബാക്കി കാശിന്റെ കാര്യം ആലോചിക്കുവായിരുന്നെടി”
അവളുടെ കയ്യിലെചൂട് ചട്ടുകം പുറത്തു പതിക്കുന്നതിന് മുൻപ് ഞാൻ ചാടിക്കയറി പറഞ്ഞു.

പക്ഷെ പ്രതീക്ഷയ്ക്ക് വിപരീതമായി കരഞ്ഞുകൊണ്ടാരുന്നു അവളുടെ അടുത്ത ചോദ്യം..
“സത്യം പറ ഏട്ടന് എന്നെയാണോ അതോ രേണുനെയായിരുന്നോ കൂടുതൽ ഇഷ്‌ടം?”

“ഏതു രേണു”

“ഏട്ടൻ പണ്ട് പ്ലൂസ്ടു പഠിച്ചോണ്ടിരുന്നപ്പോൾ സ്നേഹിച്ച പെണ്ണ്”

“അതു രേണുവല്ല , രേവതിയല്ലേടി പോത്തെ”

“കണ്ടോ കണ്ടോ ഇത്ര വർഷം കഴിഞ്ഞിട്ടും അവളുടെ പേരൊക്കെ എന്തൊരോർമ്മ.. എന്റെ പേര് മറന്നുപോയിട്ടാവും എന്നെ എടിയെ പോത്തെ എന്നൊക്കെയെല്ലേ വിളിക്കുന്നത്.”

ഇവളിതെന്തിനുള്ള പുറപ്പാടാണ് ദൈവമേ ..
എടി “നീ തന്നെയല്ലേ എന്നോട് പറഞ്ഞിട്ടുള്ളത് എടിയേന്നു വിളിക്കുമ്പോൾ പെരുവിരളിൽ നിന്നും തലച്ചോറ് വരെ എന്തോ വരുമെന്ന്..”

“അതങ്ങനല്ല.. എടി പെണ്ണേന്നു വിളിക്കുമ്പോൾ ഉപ്പൂറ്റി മുതൽ ഉച്ചി വരെ വിയർത്തുപോകുന്ന പ്രണയത്തിന്റെ ചൂട് കലർന്ന ഒരു വിളി …അതിനിപ്പോ ഏട്ടന് എന്നോട് പഴയ പ്രണയമുണ്ടോ.. 53 എന്നല്ലേ ഇപ്പൊ പറഞ്ഞത്.. എത്രയോപേരു പണ്ടെന്നോട് ഇഷ്ട്ടാണെന്നു പറഞ്ഞു ലൗ ലെറ്റർ തന്നതാ… പുറകെ നടന്നതാ ഈ സ്നേഹമില്ലാത്ത പ്രാന്തന് പകരം അവരെയാരെയെങ്കിലും കെട്ടിയാൽ മത്യാരുന്നു….. ആ രാജീവ് ഇപ്പോൾ അമേരികയിലാ അറിയോ… അവനെ കെട്ടിയിരുന്നേൽ ഇപ്പോളും ഈ കോഴിക്കോട്ടു കിടക്കാതെ വല്ല അമേരിക്കക്കാരിയായി എസി ടെ തണുപ്പിലും, ചുറ്റും തൊഴിമാരും അങ്ങനെ ഒരു ലക്ഷ്യറി ലൈഫ്റ് ൽ ദ്രിതങ്ക പുളകിതയായി ജീവിക്കാരുന്നു..” ഇതിപ്പോ ഇവിടെ പുകയുടെ ചൂടും നിങ്ങൾ മുൻപ് പറഞ്ഞ പോലെ കഞ്ഞിയും ചമ്മന്തിയും കട്ടൻ ചായയും ഒക്കെ കഴിയാൻ ആണല്ലോ വിധി

അവളുടെയൊരു അമേരിക്ക… ഇതിപ്പോ ഞാനായിരുന്നു പറഞ്ഞിരുന്നതെങ്കിൽ ഇവിടിപ്പോൾ പാത്രങ്ങൾ പറന്നു നടന്നേനെ..വേണ്ട..വെറുതെ ഇനീം പ്രകോപിപിച്ചാൽ ഇതുപോലെ വേറേം കഥകൾ കേൾക്കേണ്ടി വരും…. എന്തിനാ വെറുതെ

മനസ്സിലുള്ളത് പുറത്തു പറയാതെ ഞാൻ എണീറ്റു ചെന്ന് അവളെ ചേർത്തു നിർത്തി നെറുകയിൽ ചുംബിച്ചു.”
എന്റെ പൊന്നേ ഈ ലോകത്തു എനിക്കേറ്റവും ഇഷ്ടം എന്റെ വഴകാളി പെണ്ണിനെയാണ്. ” അവളെന്റെ നെഞ്ചോട് ചേർന്നു നിന്നു. അവളൂടെ എല്ല പരിഭവങ്ങളും ഇല്ലാതാവാൻ അതു മതിയായിരുന്നു……

“ഏട്ടാ…”

“എന്താ പെണ്ണേ…”

“നമുക്കൊരു കുഞ്ഞുണ്ടായാൽ ഏട്ടന് ആരോടായിരിക്കും ഏറ്റവും ഇഷ്ടം…എന്നോടായിരിക്കുമോ അതോ കുഞ്ഞിനോടയിരിക്കുമോ… എന്നോടുള്ള സ്നേഹം കുറയുമോ”

ഈശ്വര തീർന്നില്ലേ..

എടി പെണ്ണേ ഏട്ടൻ ഒരു കാര്യം ചോദിച്ചോട്ടെ ?

എന്താ മനുഷ്യ

ഒരു മരത്തിൽ നിറയെ ഭംഗിയുള്ള പൂക്കൾ ഉണ്ടാവുന്നു നിനക്ക് ഏറ്റവും ഇഷ്ടം ആരെ ആയിരിക്കും മരമായിരിക്കുമോ അതോ പൂക്കൾ ആയിരിക്കുമോ ?
അതെന്തു ചോദികാനാ മനുഷ്യ മരം തന്നെ എന്തുകൊണ്ടെന്നാൽ മരം ഇല്ലേൽ പിന്നെ പൂക്കൾ ഇല്ലാലോ ….

“എടി പൊട്ടിക്കാളി അതു തന്നെയാ എനിക്കും പറയാൻ ഉള്ളത് ആര് വന്നാലും നീ കഴിഞ്ഞേയുള്ളൂ..”

ഇതാണ് ഈ സഹിത്യകാരന്മാരോട് ഒന്നും പറയാൻ പാടില്ല എന്തേലും എവിടേലും ഒരു അവസരം കിട്ടിയാൽ അപ്പോൾ അതിന്റെ ഇടയ്ക്കു തിരുകി കയറ്റിക്കൊള്ളും സാഹിത്യവും ഉപമയും….

അതൊക്കെ പോട്ടെ മുൻപേ പറഞ്ഞത് “ഉറപ്പാണോ”

“അതേന്ന് …നിനക്കെന്താ എന്നെ വിശ്വാസമില്ലാതെ”

“ന്നാൽ ഒരു കൂട്ടം പറയട്ടെ”

“നീ പറ ന്റെ പെണ്ണേ”

“എനിക്ക് ഉച്ചയ്ക് വരുമ്പോൾ മസാല ദോശ വാങ്ങി വരണം..”

“ഇതാണോ ഇത്ര വലിയ കാര്യം”

“പൊട്ടാ…”

“പൊട്ടൻ നിന്റെ കെട്ട്യോൻ”

“ആ ന്റെ കെട്ട്യോനെ തന്നെയാ വിളിച്ചത്…..

നിന്നെ ഇന്ന് ഞാൻ….

അതേ ഇനി തോന്നിയപോലെ എന്നെ എന്തും പറയാനും ചെയ്യാനും പറ്റില്ല

ചോദിക്കാനും പറയാനും ഒരാൾ കൂടി വരുന്നുണ്ട് …

ങേ…

ശോ.. ഞാൻ സ്വപ്നം കാണാറുള്ള വെള്ളാരം കണ്ണുള്ള മാലാഖയില്ലേ … 10 മാസം കഴിയുമ്പോൾ ആ മാലാഖ അച്ഛാ എന്നു വിളിച്ചു ഇങ്ങെത്തും നമ്മുടെ വീട്ടിലേക്ക്”

“സത്യാണോ പെണ്ണേ”

ഞാനവളെ നോക്കിയപ്പോൾ അവളുടെ മുഖം താമരമൊട്ടു പോലെ കൂമ്പിപ്പോയി
എന്റെ വാഴക്കാളി പെണ്ണിന്റെ മുഖം ആദ്യമായാണ് ഇത്ര നാണത്തിൽ ഞാൻ കാണുന്നത്.
ഞാൻ അവളുടെ നെറ്റിയിലും പിന്നെ എന്റെ ജൂനിയർ കിടക്കുന്ന അവളുടെ വയറിലും ഉമ്മവെച്ചു.

“ഏട്ടാ…
എന്നാലും ഏട്ടൻ എന്താ ഞാനിതു പറഞ്ഞപ്പോൾ എന്നെ എടുത്തുപൊക്കി കറക്കാഞ്ഞത്….”

അവളുടെ ചോദ്യം കേട്ടപ്പോൾ എനിക്ക് ചിരിയാണ് വന്നത്..”ഉമ്മറത്തൂന്ന് ഒന്നു കേറിക്കോട്ടെ… നിന്നെ നിലത്തു നിർത്തുന്നെയില്ല…പോരെ..”
അങ്ങനെ ഞങ്ങളുടെ കൊച്ചു വീട്ടിലേക്ക് ഞങ്ങൾക്ക് സ്നേഹിക്കാൻ, ഞങ്ങളെ സ്‌നേഹിക്കാൻ ഞങ്ങളുടേതായി ഒരാളൂടെ വരുവാണ്….

നിനക്ക് എന്നെ വിശ്വാസം ഉണ്ടോ???? അവൻ ചോദിച്ചു ! വിശ്വാസം ഉണ്ട് എന്നും പറഞ്ഞു എവിടെ പോകുന്നു എന്ന് പോലും അറിയാതെ?????

%മൂക്കുത്തിയെ പ്രണയിച്ചവൻ %

പതിവില്ലാതെ ആദിയുടെ അഞ്ചു മിസ്സ്ഡ് കാൾ കണ്ടപ്പോൾ സംശയവും, പരിഭവവും അണപൊട്ടി എന്നിൽ,,,,, കുറെ നാളുകൾക്കു ശേഷം,,,,, ഓർമ്മിപ്പിക്കാൻ വേണ്ടി ഒരു കാൾ,,,, എന്തിനാവും????? നൂറു ചോദ്യങ്ങൾ തലച്ചോറിലുടെ മിന്നി മറഞ്ഞു !!!!

ഞാൻ തിരിച്ചു വിളിച്ചു, ഹലോ……. ഡി ഞാനാ ആദി,, നിനക്ക് സുഖമാണോ???? അവന്റെ ചോദ്യം കേട്ടപ്പോൾ എനിക്ക് ദേഷ്യമാണ് വന്നത്!!!! ഓ…. ഇത്രയും നാൾ എവിടാരുന്നു നീ? ഞാൻ ചത്തോ അതോ ജീവിച്ചിരിപ്പുണ്ടോ എന്ന് പോലും തിരക്കാൻ തോന്നിയില്ലല്ലോ നിനക്ക്,,, എനിക്ക് പരമ സുഖമാണ്,,,, ഫോൺ വെച്ചിട്ടു പോടാ, ഒരു കൂട്ടുകാരൻ വന്നിരിക്കുന്നു, ചങ്ക് ആണ് എന്നൊക്കെ പറഞ്ഞവനാ….. നിനക്ക് പുതിയ കുട്ടുകാരെ കിട്ടിക്കാണും,,, എന്നെ വിട്ടേക്ക്, !!!!!

ഡി സോറി,, പറ്റിപ്പോയി,, കുറച്ചു തിരക്കിൽ ആയിരുന്നു,, “അഖി ” എന്റെ പൊന്നു മോളെ സോറി…. അവന്റെ “അഖി ” എന്ന വിളി എന്നിലെ ദേഷ്യക്കാരിയെ അടക്കി നിർത്താൻ കഴിയുമെന്ന്, മറ്റു ആരെക്കാളും നന്നായി അവനു അറിയാം, കാരണം അഹല്യ എന്ന എന്നെ അഖി എന്ന് വിളിക്കുന്നവർ എന്റെ ഏറ്റവും പ്രിയപ്പെട്ടവർ ആണ് എന്നത് തന്നെ !!!!വിശേഷങ്ങൾ പറഞ്ഞു ഫോൺ വെക്കാൻ തുടങ്ങുമ്പോൾ അവൻ പറഞ്ഞു ഞാൻ നിനക്ക് ഒരു മെയിൽ അയച്ചിട്ടുണ്ട്, ഇപ്പോൾ തന്നെ നോക്കു !!!!!

അതൊരു ഫ്ലൈറ്റ് ടിക്കറ്റ് ആയിരുന്നു,,, “ഹൈദരാബാദ് ടു കൊച്ചി” “എയർ ഏഷ്യ ” നാളെ പുലർച്ചെ നാലുമണിക്ക് ആണ് ഫ്ലൈറ്റ്,,,, ഒരുപാട് സംശയത്തോട് ഞാൻ അവനെ വിളിച്ചു,,,, എന്താടാ ഇത്???? വെൽക്കം ടു കേരള,,, ” മിസ് അഹല്യ ” ഡാ കളിക്കാതെ കാര്യം പറ എന്താ ഇത്???? എന്റെ മോൾ പെട്ടന്നു ഒരു ലീവ് എടുത്തു വാ,,, !അത്ര തന്നെ,,, എന്റെ ചോദ്യങ്ങൾക്കു ഒന്നും അവൻ ഉത്തരം തന്നില്ല,,, വന്നേ പറ്റു,,,, ഇല്ലെങ്കിൽ പിന്നെ ഞാൻ മരിച്ചു എന്ന് നീയും കരുതിക്കോ !എന്നെ നിനക്ക് വിശ്വാസം ഉണ്ടെങ്കിൽ,,, നമ്മുടെ ഫ്രണ്ട്ഷിപ്പിൽ വിശ്വാസം ഉണ്ടെങ്കിൽ നീ വരും,,, അല്ലെങ്കിൽ ഇനി നമ്മൾ തമ്മിൽ കാണില്ല,,, സത്യം !!!!!അവൻ ഫോൺ കട്ട്‌ ചെയ്തു !

എന്ത് ചെയ്യണം എന്നറിയാതെ പകച്ചുപോയി നിമിഷം,,,, ആദിയെ എനിക്ക് വിശ്വാസം ആണ്, മറ്റു ആരെക്കാളും,,, സ്വന്തം അമ്മയെയും പെങ്ങളെയും ജീവന് തുല്യം സ്നേഹിക്കുന്ന അവനു എന്നെ പോലെ ഒരു ഫ്രണ്ടിനെ സംരക്ഷിക്കാൻ കഴിയും എന്ന് എനിക്ക് ഉറപ്പായിരുന്നു…. പെട്ടന്ന് ഒരു ലീവ് കിട്ടുക എളുപ്പം അല്ലായിരുന്നു എന്നിട്ടും.. കുറെ കഷ്ടപ്പെട്ട് ലീവ് ഒപ്പിച്ചു പിറ്റേന്നു രാവിലെ തന്നെ ഫ്ലൈറ്റ് കേറി,,,, കൊച്ചിയിൽ കൃത്യംആറു മണിക്ക് എത്തി,,,, പുറത്തു ആദി കാത്തു നില്പുണ്ടായിരുന്നു !!!!! അവനെ കണ്ടപ്പോൾ ഒരു സമാധാനം !!!

എന്നെ കണ്ടതും അവൻ പൊട്ടി ചിരിച്ചു,,, എന്താടി…. നിന്നെ ഞാൻ കൊല്ലാൻ കൊണ്ട് പോകും പോലെ,,, ഒന്നു ചിരിക്കു അഖി.. ഡാ ടെൻഷൻ അടിപ്പിക്കാതെ കാര്യം പറ എന്ന???? എന്താ നിന്റെ പ്ലാൻ????

നിനക്ക് എന്നെ വിശ്വാസം ഉണ്ടോ???? അവൻ ചോദിച്ചു ! വിശ്വാസം ഉണ്ട് എന്നും പറഞ്ഞു എവിടെ പോകുന്നു എന്ന് പോലും അറിയാതെ????? സംശയത്തോടെ ഞാൻ ചോദിച്ചു????? ഒരു ഉറപ്പ് ഞാൻ നിനക്ക് തരുന്നു…..എന്റെ അരികിൽ എല്ലാ അർത്ഥത്തിലും നീ സുരക്ഷിത ആയിരിക്കും !പോരെ???? അവന്റെ വാക്കുകൾ എനിക്ക് വിശ്വാസം ആയിരുന്നു !

കുറച്ചു കഴിഞ്ഞു രാഹുലും ഭാര്യ അഞ്ജലിയും വന്നു ഞങ്ങളെ പിക്ക് ചെയ്യാൻ,,, ആദിയുടെ അടുത്ത ഫ്രണ്ടും ഭാര്യയും,,, അവരുടെ വീട്ടിൽ….. ജീവിതത്തിൽ ഏറ്റവും സന്തോഷം തോന്നിയ ദിവസം ഇന്നായിരുന്നു !

ടി… ഒന്നു കണ്ണ് അടച്ചേ,,, ആദി പറഞ്ഞു !ഇനി തുറന്നോ,,, എനിക്ക് നേരെ ഒരു കവർ നീട്ടി ആദി,,,, തുറന്നു നോക്കിയപ്പോൾ ഒരു കിടിലൻ സാരി,,,, ആഹാ കൊള്ളാലോ,,, നിനക്ക് ഇഷ്ടായോ??? പിന്നെ ഇഷ്ടായി, ഞാൻ പറഞ്ഞു, ആ എന്ന പോയി ഉടുത്തിട്ടു വാ !ഇപ്പോൾ ഞെട്ടിയത് ഞാൻ ആയിരുന്നു, എന്തിനു???? എനിക്ക് സാരി ഒന്നും ഉടുക്കാൻ അറിയില്ല ! സാരമില്ല,,, അഞ്ജലി അവളെ ഒന്നു സാരി ഉടുപ്പിക്കു !

എത്ര ചിന്തിച്ചു നോക്കിയിട്ടും ഇവരുടെ പ്ലാൻ എന്താണ് എന്ന് മനസ്സിൽ ആകുന്നില്ല !അഞ്ജലി പോലും ഒന്നും വിട്ടു പറയുന്നുമില്ല ! ഒരുങ്ങി ഇറങ്ങി വരുമ്പോൾ ഞാൻ കണ്ടത് ലാവണ്ടർ കളർ ഷർട്ടും അതിന്റെ കരയുള്ള വെള്ളമുണ്ടും ഉടുത്തു സുന്ദരൻ ആയ ആദി,,,,

എന്ത് ചോദിച്ചാലും ഒന്നും പറയില്ല,,,, പിന്നെ കാത്തിരുന്നു മനസ്സിൽ ആക്കുക…. അവിടെ നിന്നും ഞങ്ങളുടെ യാത്ര തുടങ്ങി.. ഒരുപാട് വിശേഷം പറഞ്ഞു അവൻ യാത്രയിൽ ഉടനീളം,,, ഇടക്ക് ടി എനിക്ക് ഉറക്കം വരുന്നു എന്നും പറഞ്ഞു അവൻ ഒന്നു മയങ്ങി,,, എന്നെ വിട്ടു പിറകിലേയ്ക് ഓടിമറയുന്ന വഴിയോര കാഴ്ചകൾ നോക്കി ഞാൻ ഇരുന്നു !

“ആദിനാഥ്‌ “എന്ന ആദി എന്റെ ഏക ഫ്രണ്ട് ആണ്,,, എന്നെ പോലെ തന്നെ പ്രണയ നഷ്ടം ഉള്ളയാൾ,, ഒരുപാട് വ്യത്യാസങ്ങൾ ഉള്ളവർ പക്ഷെ ആ പൊരുത്തക്കേടുകൾ ആകും ഞങ്ങളുടെ ഫ്രണ്ട്ഷിപ്പിനു കാരണം…!

മൂക്കുത്തിയെ പ്രണയിച്ചവൻ,,, അവന്റെ ഭാവി വധു സങ്കല്പം കേട്ടു ഞാൻ ഒരുപാട് ചിരിച്ചിട്ടുണ്ട്, മൂക്കുത്തി ഉള്ള പെണ്ണ്,,,, അവൾക്കൊപ്പം ഇരുന്നു വെള്ളം അടിക്കണം അത്രേ,,, ഒപ്പം ഇരുന്നു അവളും ഒന്ന് അടിച്ചാൽ അതിലും വലിയ സന്തോഷം വേറെ ഇല്ലത്രേ,,,, വെള്ളമടിക്കുമ്പോൾ ടച്ചിങ്‌സിന് ആ മൂക്കുത്തി മതിയത്രെ,,,,, അവന്റെ ആഗ്രഹങ്ങൾ കേട്ടു ഞാൻ ചിരിച്ചു ചാകാറുണ്ട്.. .

ഓർമ്മകൾ ഓടിമറയുമ്പോൾ ഉറക്കത്തിൽ നിന്നും ഉണർന്നു അവൻ ഡ്രൈവറോട് ചോദിച്ചു,,, എത്താറായോ ചേട്ടാ??? ആ പത്തു മിനിറ്റ് കൂടെ,,,,, കാർ ഒരു വലിയ ഹോട്ടലിന്റെ മുൻപിൽ നിന്ന്, സംശയത്തോടെ ഇരിക്കുന്ന എന്നെ നോക്കി ആദി പറഞ്ഞു അഖി… ഇറങ്…. കാറിൽ നിന്നും ഇറങ്ങിയ ഞാൻ ആ ആ വലിയ പോസ്റ്റർ ഫോട്ടോ കണ്ടു നടുങ്ങി….. “നിതിൻ വെഡ് വിത്ത്‌ അർച്ചന “!!!!എന്റെ എല്ലാ സംശയങ്ങൾക്കും ഉള്ള ഉത്തരം ആയിരുന്നു ആ ഫോട്ടോ !

രണ്ടു വർഷം ഞാൻ മനസിൽ കൊണ്ട് നടന്ന മുഖം,,, എന്റെ ഇഷ്ടം അതുപോലെ അറിഞ്ഞിട്ടും പെട്ടന്നൊരു നാൾ എന്നെക്കാൾ നല്ലൊരു പെണ്ണിനെ കണ്ടപ്പോൾ,,, അവളുടെ പണം കണ്ടപ്പോൾ ഒരു വാക്കുപോലും പറയാതെ പോയ ആൾ,,, ഇങ്ങനെ ഒരു കൂടി കാഴ്ച ഞാനും ആഗ്രഹിച്ചിരുന്നു,,, എന്നെ വിളിക്കാത്ത അവന്റെ കല്യാണത്തിന് പോണം,,, അതും എന്നെ മനസിലാകുന്ന ഒരാളുടെ കൈയ്യും പിടിച്ചു,,,, എന്നിട്ട് അവനോടു പറയണം,,,, ചങ്ക് പറിച്ചു സ്നേഹിച്ചിട്ടും എന്നെ മനസിലാകാതെ പോയ നിന്നെ ഓർത്തു ഞാൻ ചാകാൻ ഒന്നും പോണില്ല,, ജീവിച്ചു തന്നെ കാണിക്കും ഞാൻ…

പക്ഷെ വാക്കുകൾ എല്ലാം തൊണ്ടയിൽ ഉടക്കി,,,, വരന്റെ വേഷത്തിൽ നിന്ന അവനെ കണ്ടപ്പോൾ,,,, ഞാൻ ആദിയുടെ കൈയിൽ മുറുകെ പിടിച്ചു, ആദി എന്റെ കൈ എടുത്തു മാറ്റിയപ്പോൾ സംശയത്തോടെ ഞാൻ അവന്റെ മുഖത്തേക്ക് നോക്കി,,,, കള്ള ചിരിയോടെ അവൻ എന്റെ കൈയിൽ പിടിച്ചു മുൻപോട്ടു നടന്നു.. സ്റ്റേജിൽ കയറി “നിതിന് “ആദി കൈ കൊടുത്തു കോൺഗ്രാറ്സ്‌ പറഞ്ഞു, ഹലോ നിതിൻ….. എന്റെ പേര് ആദി,,,, എന്നെ നിതിന് അറിയില്ല,, പക്ഷെ എനിക്ക് നിതിനെ നന്നായിട്ടു അറിയാം,,,, നിതിന്റെ കല്യാണം അറിഞ്ഞ അന്ന് തിരുമാനിച്ചതാ ഇവളെയും കൂട്ടി ഇവിടെ വരണമെന്ന് !ഏതായാലും കണ്ടതിൽ സന്തോഷം !”അഖി “നീ എന്താ ഒന്നും മിണ്ടാത്തെ നിതിന് കോൺഗ്രാറ്സ്‌ പറ .. ഞാൻ കൈകൊടുത്തു,,,, എന്റെ കൈയിൽ പിടിക്കുമ്പോൾ നിതിന്റെ കൈകൾ വിറക്കുന്നുണ്ടായിരുന്നു,,,,

പോരാൻ ഇറങ്ങുമ്പോൾ ആദി പറഞ്ഞു നമുക്ക് ഒരു സെൽഫി എടുത്തു പിരിഞ്ഞാലോ നിതിൻ,,,,, സെൽഫിക് നിക്കുമ്പോൾ ആദി അവന്റെ കൂളിംഗ് ഗ്ലാസ്‌ എടുത്തു എനിക്ക് നേരെ നീട്ടി,,,, എന്നെ അവനോടു ചേർത്ത് നിർത്തി അടിപൊളി ഒരു സെൽഫി…. അപ്പോൾ ശെരി നിതിൻ,,,, ഞങ്ങൾ എന്തായാലും കഴിച്ചിട്ടേ പോകു…… ഒരു ജേതാവിനെ പോലെ അവൻ എന്റെ കൈയ്യും പിടിച്ച ഇറങ്ങി !!!!!

യാത്രയിൽ ഉടനീളം ഞാൻ ഒന്നും സംസാരിച്ചില്ല,,, സോറി “അഖി “… നീയും ഇതുപോലെ ഒരു പ്രതികാരം ആഗ്രഹിച്ചിട്ടുണ്ടാവും എന്ന് ഞാൻ കരുതി,,,,,, !!!

കൊച്ചിയിൽ നാലുമണിക് തിരിച്ചു വന്നു ഞങ്ങൾ,,,, ഡി എന്തെങ്കിലും ഒന്നു പറയടി,,,,, അല്ലെങ്കിൽ എന്റെ ചെകിട് നോക്കി ഒന്നു പൊട്ടിക്,,,,, നീ മിണ്ടാതെ പോകുമ്പോൾ ഞാൻ എങ്ങനെ… ഉത്തരം പറയാതെ ഞാൻ ബാഗും എടുത്തു നടന്നു,,,,,, അവൻ എന്റെ യാത്ര കാണാതിരിക്കാൻ വിദുരതിയിലേയ്ക്കും നോക്കി നിന്ന് !

ഓടിവന്നു അവനെ കെട്ടിപിടിച്ചു കവിളിൽ ഒരു ഉമ്മ കൊടുത്തു, ഞാൻ പറഞ്ഞു.. ജീവിതത്തിലെ തോറ്റു പോയതാ ഞാൻ,,,,, ഇന്ന് ജയിച്ചു. നാണം കൊണ്ട് അവന്റെ മുഖം ചുവന്നു… എന്ത് പറയണം എന്നറിയാതെ കുറച്ചു നിമിഷങ്ങൾ,,,,, ഒരു പാട് നന്ദി പറഞ്ഞു തീരും മുൻപ് അവൻ എന്നെ കെട്ടിപിടിച്ചു,,,, ശെരിക്കും അപ്പോൾ ഞെട്ടിയത് ഞാൻ ആയിരുന്നു !

പകച്ചു നിന്ന എന്റെ കാതിൽ അവൻ പറഞ്ഞു, ഡി സോറി…. അവളെ ഒന്നു കാണിക്കാൻ വേണ്ടിയാ…. ആരെ????? എന്നെ തേച്ചിട്ടു പോയ അവളും അവളുടെ കെട്ടിയോനും ദാ വരുന്നുണ്ട് !എയർപോർട്ടിൽ നിന്നും ഇറങ്ങി വന്ന അവൾ ആ കാഴ്ച കണ്ടു ഞെട്ടി… വേദനയോടെ ആദിയെ നോക്കിയ ആ പെൺകുട്ടിയെ കണ്ടപ്പോൾ നിധിൻ കുറ്റബോധത്തോടെ എന്നെ നോക്കിയ അതെ നോട്ടമാണ് എനിക്ക് ഓർമ വന്നത്,,, ഒപ്പം എന്റെ ചിലവിൽ അവൾക്കിട്ട് ഒരു പണി ആദിക് കൊടുക്കാൻ പറ്റിയല്ലോ എന്ന സന്തോഷം !!!

തിരിച്ചു ഡ്യൂട്ടിയിൽ കയറിയ എന്നെ കണ്ടു അന്ന് എല്ലാരും ഞെട്ടി കാരണം ഞാനും കുത്തിയിരുന്ന് ഒരു “മൂക്കുത്തി “!ചോദിച്ചവരോടൊന്നും ഉത്തരം പറയാതെ നടക്കുമ്പോൾ മനസ് പറഞ്ഞു.. ആദി…… നീ മാത്രം അല്ല ഇപ്പോൾ ഞാനും പ്രണയിക്കുന്നു ഈ” മൂക്കുത്തി “!!!!!!!!!

രചന %അബിയാ ബൈജു %

നിനക്ക് എന്നെ വിശ്വാസം ഉണ്ടോ???? അവൻ ചോദിച്ചു ! വിശ്വാസം ഉണ്ട് എന്നും പറഞ്ഞു എവിടെ പോകുന്നു എന്ന് പോലും അറിയാതെ?????

%മൂക്കുത്തിയെ പ്രണയിച്ചവൻ %

പതിവില്ലാതെ ആദിയുടെ അഞ്ചു മിസ്സ്ഡ് കാൾ കണ്ടപ്പോൾ സംശയവും, പരിഭവവും അണപൊട്ടി എന്നിൽ,,,,, കുറെ നാളുകൾക്കു ശേഷം,,,,, ഓർമ്മിപ്പിക്കാൻ വേണ്ടി ഒരു കാൾ,,,, എന്തിനാവും????? നൂറു ചോദ്യങ്ങൾ തലച്ചോറിലുടെ മിന്നി മറഞ്ഞു !!!!

ഞാൻ തിരിച്ചു വിളിച്ചു, ഹലോ……. ഡി ഞാനാ ആദി,, നിനക്ക് സുഖമാണോ???? അവന്റെ ചോദ്യം കേട്ടപ്പോൾ എനിക്ക് ദേഷ്യമാണ് വന്നത്!!!! ഓ…. ഇത്രയും നാൾ എവിടാരുന്നു നീ? ഞാൻ ചത്തോ അതോ ജീവിച്ചിരിപ്പുണ്ടോ എന്ന് പോലും തിരക്കാൻ തോന്നിയില്ലല്ലോ നിനക്ക്,,, എനിക്ക് പരമ സുഖമാണ്,,,, ഫോൺ വെച്ചിട്ടു പോടാ, ഒരു കൂട്ടുകാരൻ വന്നിരിക്കുന്നു, ചങ്ക് ആണ് എന്നൊക്കെ പറഞ്ഞവനാ….. നിനക്ക് പുതിയ കുട്ടുകാരെ കിട്ടിക്കാണും,,, എന്നെ വിട്ടേക്ക്, !!!!!

ഡി സോറി,, പറ്റിപ്പോയി,, കുറച്ചു തിരക്കിൽ ആയിരുന്നു,, “അഖി ” എന്റെ പൊന്നു മോളെ സോറി…. അവന്റെ “അഖി ” എന്ന വിളി എന്നിലെ ദേഷ്യക്കാരിയെ അടക്കി നിർത്താൻ കഴിയുമെന്ന്, മറ്റു ആരെക്കാളും നന്നായി അവനു അറിയാം, കാരണം അഹല്യ എന്ന എന്നെ അഖി എന്ന് വിളിക്കുന്നവർ എന്റെ ഏറ്റവും പ്രിയപ്പെട്ടവർ ആണ് എന്നത് തന്നെ !!!!വിശേഷങ്ങൾ പറഞ്ഞു ഫോൺ വെക്കാൻ തുടങ്ങുമ്പോൾ അവൻ പറഞ്ഞു ഞാൻ നിനക്ക് ഒരു മെയിൽ അയച്ചിട്ടുണ്ട്, ഇപ്പോൾ തന്നെ നോക്കു !!!!!

അതൊരു ഫ്ലൈറ്റ് ടിക്കറ്റ് ആയിരുന്നു,,, “ഹൈദരാബാദ് ടു കൊച്ചി” “എയർ ഏഷ്യ ” നാളെ പുലർച്ചെ നാലുമണിക്ക് ആണ് ഫ്ലൈറ്റ്,,,, ഒരുപാട് സംശയത്തോട് ഞാൻ അവനെ വിളിച്ചു,,,, എന്താടാ ഇത്???? വെൽക്കം ടു കേരള,,, ” മിസ് അഹല്യ ” ഡാ കളിക്കാതെ കാര്യം പറ എന്താ ഇത്???? എന്റെ മോൾ പെട്ടന്നു ഒരു ലീവ് എടുത്തു വാ,,, !അത്ര തന്നെ,,, എന്റെ ചോദ്യങ്ങൾക്കു ഒന്നും അവൻ ഉത്തരം തന്നില്ല,,, വന്നേ പറ്റു,,,, ഇല്ലെങ്കിൽ പിന്നെ ഞാൻ മരിച്ചു എന്ന് നീയും കരുതിക്കോ !എന്നെ നിനക്ക് വിശ്വാസം ഉണ്ടെങ്കിൽ,,, നമ്മുടെ ഫ്രണ്ട്ഷിപ്പിൽ വിശ്വാസം ഉണ്ടെങ്കിൽ നീ വരും,,, അല്ലെങ്കിൽ ഇനി നമ്മൾ തമ്മിൽ കാണില്ല,,, സത്യം !!!!!അവൻ ഫോൺ കട്ട്‌ ചെയ്തു !

എന്ത് ചെയ്യണം എന്നറിയാതെ പകച്ചുപോയി നിമിഷം,,,, ആദിയെ എനിക്ക് വിശ്വാസം ആണ്, മറ്റു ആരെക്കാളും,,, സ്വന്തം അമ്മയെയും പെങ്ങളെയും ജീവന് തുല്യം സ്നേഹിക്കുന്ന അവനു എന്നെ പോലെ ഒരു ഫ്രണ്ടിനെ സംരക്ഷിക്കാൻ കഴിയും എന്ന് എനിക്ക് ഉറപ്പായിരുന്നു…. പെട്ടന്ന് ഒരു ലീവ് കിട്ടുക എളുപ്പം അല്ലായിരുന്നു എന്നിട്ടും.. കുറെ കഷ്ടപ്പെട്ട് ലീവ് ഒപ്പിച്ചു പിറ്റേന്നു രാവിലെ തന്നെ ഫ്ലൈറ്റ് കേറി,,,, കൊച്ചിയിൽ കൃത്യംആറു മണിക്ക് എത്തി,,,, പുറത്തു ആദി കാത്തു നില്പുണ്ടായിരുന്നു !!!!! അവനെ കണ്ടപ്പോൾ ഒരു സമാധാനം !!!

എന്നെ കണ്ടതും അവൻ പൊട്ടി ചിരിച്ചു,,, എന്താടി…. നിന്നെ ഞാൻ കൊല്ലാൻ കൊണ്ട് പോകും പോലെ,,, ഒന്നു ചിരിക്കു അഖി.. ഡാ ടെൻഷൻ അടിപ്പിക്കാതെ കാര്യം പറ എന്ന???? എന്താ നിന്റെ പ്ലാൻ????

നിനക്ക് എന്നെ വിശ്വാസം ഉണ്ടോ???? അവൻ ചോദിച്ചു ! വിശ്വാസം ഉണ്ട് എന്നും പറഞ്ഞു എവിടെ പോകുന്നു എന്ന് പോലും അറിയാതെ????? സംശയത്തോടെ ഞാൻ ചോദിച്ചു????? ഒരു ഉറപ്പ് ഞാൻ നിനക്ക് തരുന്നു…..എന്റെ അരികിൽ എല്ലാ അർത്ഥത്തിലും നീ സുരക്ഷിത ആയിരിക്കും !പോരെ???? അവന്റെ വാക്കുകൾ എനിക്ക് വിശ്വാസം ആയിരുന്നു !

കുറച്ചു കഴിഞ്ഞു രാഹുലും ഭാര്യ അഞ്ജലിയും വന്നു ഞങ്ങളെ പിക്ക് ചെയ്യാൻ,,, ആദിയുടെ അടുത്ത ഫ്രണ്ടും ഭാര്യയും,,, അവരുടെ വീട്ടിൽ….. ജീവിതത്തിൽ ഏറ്റവും സന്തോഷം തോന്നിയ ദിവസം ഇന്നായിരുന്നു !

ടി… ഒന്നു കണ്ണ് അടച്ചേ,,, ആദി പറഞ്ഞു !ഇനി തുറന്നോ,,, എനിക്ക് നേരെ ഒരു കവർ നീട്ടി ആദി,,,, തുറന്നു നോക്കിയപ്പോൾ ഒരു കിടിലൻ സാരി,,,, ആഹാ കൊള്ളാലോ,,, നിനക്ക് ഇഷ്ടായോ??? പിന്നെ ഇഷ്ടായി, ഞാൻ പറഞ്ഞു, ആ എന്ന പോയി ഉടുത്തിട്ടു വാ !ഇപ്പോൾ ഞെട്ടിയത് ഞാൻ ആയിരുന്നു, എന്തിനു???? എനിക്ക് സാരി ഒന്നും ഉടുക്കാൻ അറിയില്ല ! സാരമില്ല,,, അഞ്ജലി അവളെ ഒന്നു സാരി ഉടുപ്പിക്കു !

എത്ര ചിന്തിച്ചു നോക്കിയിട്ടും ഇവരുടെ പ്ലാൻ എന്താണ് എന്ന് മനസ്സിൽ ആകുന്നില്ല !അഞ്ജലി പോലും ഒന്നും വിട്ടു പറയുന്നുമില്ല ! ഒരുങ്ങി ഇറങ്ങി വരുമ്പോൾ ഞാൻ കണ്ടത് ലാവണ്ടർ കളർ ഷർട്ടും അതിന്റെ കരയുള്ള വെള്ളമുണ്ടും ഉടുത്തു സുന്ദരൻ ആയ ആദി,,,,

എന്ത് ചോദിച്ചാലും ഒന്നും പറയില്ല,,,, പിന്നെ കാത്തിരുന്നു മനസ്സിൽ ആക്കുക…. അവിടെ നിന്നും ഞങ്ങളുടെ യാത്ര തുടങ്ങി.. ഒരുപാട് വിശേഷം പറഞ്ഞു അവൻ യാത്രയിൽ ഉടനീളം,,, ഇടക്ക് ടി എനിക്ക് ഉറക്കം വരുന്നു എന്നും പറഞ്ഞു അവൻ ഒന്നു മയങ്ങി,,, എന്നെ വിട്ടു പിറകിലേയ്ക് ഓടിമറയുന്ന വഴിയോര കാഴ്ചകൾ നോക്കി ഞാൻ ഇരുന്നു !

“ആദിനാഥ്‌ “എന്ന ആദി എന്റെ ഏക ഫ്രണ്ട് ആണ്,,, എന്നെ പോലെ തന്നെ പ്രണയ നഷ്ടം ഉള്ളയാൾ,, ഒരുപാട് വ്യത്യാസങ്ങൾ ഉള്ളവർ പക്ഷെ ആ പൊരുത്തക്കേടുകൾ ആകും ഞങ്ങളുടെ ഫ്രണ്ട്ഷിപ്പിനു കാരണം…!

മൂക്കുത്തിയെ പ്രണയിച്ചവൻ,,, അവന്റെ ഭാവി വധു സങ്കല്പം കേട്ടു ഞാൻ ഒരുപാട് ചിരിച്ചിട്ടുണ്ട്, മൂക്കുത്തി ഉള്ള പെണ്ണ്,,,, അവൾക്കൊപ്പം ഇരുന്നു വെള്ളം അടിക്കണം അത്രേ,,, ഒപ്പം ഇരുന്നു അവളും ഒന്ന് അടിച്ചാൽ അതിലും വലിയ സന്തോഷം വേറെ ഇല്ലത്രേ,,,, വെള്ളമടിക്കുമ്പോൾ ടച്ചിങ്‌സിന് ആ മൂക്കുത്തി മതിയത്രെ,,,,, അവന്റെ ആഗ്രഹങ്ങൾ കേട്ടു ഞാൻ ചിരിച്ചു ചാകാറുണ്ട്.. .

ഓർമ്മകൾ ഓടിമറയുമ്പോൾ ഉറക്കത്തിൽ നിന്നും ഉണർന്നു അവൻ ഡ്രൈവറോട് ചോദിച്ചു,,, എത്താറായോ ചേട്ടാ??? ആ പത്തു മിനിറ്റ് കൂടെ,,,,, കാർ ഒരു വലിയ ഹോട്ടലിന്റെ മുൻപിൽ നിന്ന്, സംശയത്തോടെ ഇരിക്കുന്ന എന്നെ നോക്കി ആദി പറഞ്ഞു അഖി… ഇറങ്…. കാറിൽ നിന്നും ഇറങ്ങിയ ഞാൻ ആ ആ വലിയ പോസ്റ്റർ ഫോട്ടോ കണ്ടു നടുങ്ങി….. “നിതിൻ വെഡ് വിത്ത്‌ അർച്ചന “!!!!എന്റെ എല്ലാ സംശയങ്ങൾക്കും ഉള്ള ഉത്തരം ആയിരുന്നു ആ ഫോട്ടോ !

രണ്ടു വർഷം ഞാൻ മനസിൽ കൊണ്ട് നടന്ന മുഖം,,, എന്റെ ഇഷ്ടം അതുപോലെ അറിഞ്ഞിട്ടും പെട്ടന്നൊരു നാൾ എന്നെക്കാൾ നല്ലൊരു പെണ്ണിനെ കണ്ടപ്പോൾ,,, അവളുടെ പണം കണ്ടപ്പോൾ ഒരു വാക്കുപോലും പറയാതെ പോയ ആൾ,,, ഇങ്ങനെ ഒരു കൂടി കാഴ്ച ഞാനും ആഗ്രഹിച്ചിരുന്നു,,, എന്നെ വിളിക്കാത്ത അവന്റെ കല്യാണത്തിന് പോണം,,, അതും എന്നെ മനസിലാകുന്ന ഒരാളുടെ കൈയ്യും പിടിച്ചു,,,, എന്നിട്ട് അവനോടു പറയണം,,,, ചങ്ക് പറിച്ചു സ്നേഹിച്ചിട്ടും എന്നെ മനസിലാകാതെ പോയ നിന്നെ ഓർത്തു ഞാൻ ചാകാൻ ഒന്നും പോണില്ല,, ജീവിച്ചു തന്നെ കാണിക്കും ഞാൻ…

പക്ഷെ വാക്കുകൾ എല്ലാം തൊണ്ടയിൽ ഉടക്കി,,,, വരന്റെ വേഷത്തിൽ നിന്ന അവനെ കണ്ടപ്പോൾ,,,, ഞാൻ ആദിയുടെ കൈയിൽ മുറുകെ പിടിച്ചു, ആദി എന്റെ കൈ എടുത്തു മാറ്റിയപ്പോൾ സംശയത്തോടെ ഞാൻ അവന്റെ മുഖത്തേക്ക് നോക്കി,,,, കള്ള ചിരിയോടെ അവൻ എന്റെ കൈയിൽ പിടിച്ചു മുൻപോട്ടു നടന്നു.. സ്റ്റേജിൽ കയറി “നിതിന് “ആദി കൈ കൊടുത്തു കോൺഗ്രാറ്സ്‌ പറഞ്ഞു, ഹലോ നിതിൻ….. എന്റെ പേര് ആദി,,,, എന്നെ നിതിന് അറിയില്ല,, പക്ഷെ എനിക്ക് നിതിനെ നന്നായിട്ടു അറിയാം,,,, നിതിന്റെ കല്യാണം അറിഞ്ഞ അന്ന് തിരുമാനിച്ചതാ ഇവളെയും കൂട്ടി ഇവിടെ വരണമെന്ന് !ഏതായാലും കണ്ടതിൽ സന്തോഷം !”അഖി “നീ എന്താ ഒന്നും മിണ്ടാത്തെ നിതിന് കോൺഗ്രാറ്സ്‌ പറ .. ഞാൻ കൈകൊടുത്തു,,,, എന്റെ കൈയിൽ പിടിക്കുമ്പോൾ നിതിന്റെ കൈകൾ വിറക്കുന്നുണ്ടായിരുന്നു,,,,

പോരാൻ ഇറങ്ങുമ്പോൾ ആദി പറഞ്ഞു നമുക്ക് ഒരു സെൽഫി എടുത്തു പിരിഞ്ഞാലോ നിതിൻ,,,,, സെൽഫിക് നിക്കുമ്പോൾ ആദി അവന്റെ കൂളിംഗ് ഗ്ലാസ്‌ എടുത്തു എനിക്ക് നേരെ നീട്ടി,,,, എന്നെ അവനോടു ചേർത്ത് നിർത്തി അടിപൊളി ഒരു സെൽഫി…. അപ്പോൾ ശെരി നിതിൻ,,,, ഞങ്ങൾ എന്തായാലും കഴിച്ചിട്ടേ പോകു…… ഒരു ജേതാവിനെ പോലെ അവൻ എന്റെ കൈയ്യും പിടിച്ച ഇറങ്ങി !!!!!

യാത്രയിൽ ഉടനീളം ഞാൻ ഒന്നും സംസാരിച്ചില്ല,,, സോറി “അഖി “… നീയും ഇതുപോലെ ഒരു പ്രതികാരം ആഗ്രഹിച്ചിട്ടുണ്ടാവും എന്ന് ഞാൻ കരുതി,,,,,, !!!

കൊച്ചിയിൽ നാലുമണിക് തിരിച്ചു വന്നു ഞങ്ങൾ,,,, ഡി എന്തെങ്കിലും ഒന്നു പറയടി,,,,, അല്ലെങ്കിൽ എന്റെ ചെകിട് നോക്കി ഒന്നു പൊട്ടിക്,,,,, നീ മിണ്ടാതെ പോകുമ്പോൾ ഞാൻ എങ്ങനെ… ഉത്തരം പറയാതെ ഞാൻ ബാഗും എടുത്തു നടന്നു,,,,,, അവൻ എന്റെ യാത്ര കാണാതിരിക്കാൻ വിദുരതിയിലേയ്ക്കും നോക്കി നിന്ന് !

ഓടിവന്നു അവനെ കെട്ടിപിടിച്ചു കവിളിൽ ഒരു ഉമ്മ കൊടുത്തു, ഞാൻ പറഞ്ഞു.. ജീവിതത്തിലെ തോറ്റു പോയതാ ഞാൻ,,,,, ഇന്ന് ജയിച്ചു. നാണം കൊണ്ട് അവന്റെ മുഖം ചുവന്നു… എന്ത് പറയണം എന്നറിയാതെ കുറച്ചു നിമിഷങ്ങൾ,,,,, ഒരു പാട് നന്ദി പറഞ്ഞു തീരും മുൻപ് അവൻ എന്നെ കെട്ടിപിടിച്ചു,,,, ശെരിക്കും അപ്പോൾ ഞെട്ടിയത് ഞാൻ ആയിരുന്നു !

പകച്ചു നിന്ന എന്റെ കാതിൽ അവൻ പറഞ്ഞു, ഡി സോറി…. അവളെ ഒന്നു കാണിക്കാൻ വേണ്ടിയാ…. ആരെ????? എന്നെ തേച്ചിട്ടു പോയ അവളും അവളുടെ കെട്ടിയോനും ദാ വരുന്നുണ്ട് !എയർപോർട്ടിൽ നിന്നും ഇറങ്ങി വന്ന അവൾ ആ കാഴ്ച കണ്ടു ഞെട്ടി… വേദനയോടെ ആദിയെ നോക്കിയ ആ പെൺകുട്ടിയെ കണ്ടപ്പോൾ നിധിൻ കുറ്റബോധത്തോടെ എന്നെ നോക്കിയ അതെ നോട്ടമാണ് എനിക്ക് ഓർമ വന്നത്,,, ഒപ്പം എന്റെ ചിലവിൽ അവൾക്കിട്ട് ഒരു പണി ആദിക് കൊടുക്കാൻ പറ്റിയല്ലോ എന്ന സന്തോഷം !!!

തിരിച്ചു ഡ്യൂട്ടിയിൽ കയറിയ എന്നെ കണ്ടു അന്ന് എല്ലാരും ഞെട്ടി കാരണം ഞാനും കുത്തിയിരുന്ന് ഒരു “മൂക്കുത്തി “!ചോദിച്ചവരോടൊന്നും ഉത്തരം പറയാതെ നടക്കുമ്പോൾ മനസ് പറഞ്ഞു.. ആദി…… നീ മാത്രം അല്ല ഇപ്പോൾ ഞാനും പ്രണയിക്കുന്നു ഈ” മൂക്കുത്തി “!!!!!!!!!

രചന %അബിയാ ബൈജു %

അവൻ വയറ്റിൽ കിടന്നു കുസൃതി കാണിക്കുന്നുണ്ട് ഞാൻ പതുക്കെ വയർ തടവി പുള്ളിക്ക് പെൺകുട്ടി വേണം

പുതിയ പുരയിലെ വീട്ടിൽ കൂടൽ കഴിഞ്ഞിട്ടും പുള്ളിക്കാരന്റെ അമ്മയും സഹോദരങ്ങളും തിരിച്ചു അവരുടെ വീട്ടിലേക്കു പോവാതെ ഇവിടെ തന്നെ തമ്പടിച്ചത് കണ്ടപ്പോൾ ഒന്ന് പേടിച്ചിരുന്നു .

അവസാനം പുള്ളി അറിയാതെ മുഖം കറുപ്പിക്കേണ്ടി വന്നു ഒഴിപ്പിച്ചെടുക്കാൻ .

എനിക്ക് നിറഞ്ഞ മാസം ആണെന്ന് നിരത്തി പുള്ളിക്കാരന്റെ ‘അമ്മ ഒരു അടവ് എടുത്ത് നോക്കിയിരുന്നു ഇവിടെ അള്ളിപ്പിടിക്കാൻ .

അങ്ങിനെ എന്തെങ്കിലും വന്നാൽ അറിയാക്കാം, വീടുകൾ തമ്മിൽ അധിക ദൂരം ഇല്ലല്ലോ എന്ന് ഞ്യായം നിരത്തി ഞാൻ ആദ്യമേ അതിന്റെ മുന ഓടിച്ചു .

ആ കൂട്ടത്തിൽ കിടന്നു പൊരിഞ്ഞിട്ടാണ് പുള്ളിയെയും കൊണ്ട് വേറെ പോന്നത് എന്നിട്ടും ഒന്ന് ഒറ്റക്ക് നില്ക്കാൻ കഴിയില്ല എന്ന് വന്നാൽ!!!! . പുള്ളിക്കാണെങ്കിൽ കൂടെപ്പിറപ്പുകൾകഴിഞ്ഞേ എന്തും ഉള്ളു പിന്നെ എന്താ ചെയ്യുക .

ഇനി തന്റെ പ്രസവം അടുത്താൽ ഒരു ഹോം നേഴിസിനെ വെച്ചാൽ തീരുന്ന പ്രശ്നമേ ഉള്ളൂ . അല്ലെങ്കിൽ അതിന്റെ പേരും പറഞ്ഞു എല്ലാം ഇങ്ങോട്ടു കെ ട്ടു കെട്ടും .

അവൻ വയറ്റിൽ കിടന്നു കുസൃതി കാണിക്കുന്നുണ്ട് . ഞാൻ പതുക്കെ വയർ തടവി . . പുള്ളിക്ക് പെൺകുട്ടി വേണം എന്നാണ് എനിക്കാണെങ്കിൽ രണ്ടാമത്തതും ആൺ കുട്ടി മതി. അതാ സേഫ്!!!! .

ആ ചിന്തയിൽ മുഴുകി ഇരിക്കുമ്പോഴാണ് മകൻ അകത്തേക്ക് ഓടി വന്നു മടിയിൽ ചാടിക്കയറാൻ ശ്രമിച്ചത് .

” നന്ദു നിന്നോട് എത്ര പ്രാവിശ്യം പറഞ്ഞു വാവക്ക് വയറ്റിൽ നിന്ന് വേദനിക്കുമെന്നു .. എന്താ നിനക്ക് പറഞ്ഞാൽ മനസിലാവാത്തത് ” ഞാൻ തെല്ലൊരു ദേഷ്യത്തോടെ പറഞ്ഞു

” അപ്പൊ .. അവനെ പ്രസവിക്കുന്നത് വരെ എനിക്ക് അമ്മയുടെ മടിയിൽ ഇരിക്കാൻ ആവൂല്ല ..അല്ലേ ?”

” ഉം ” ഞാൻ അലക്ഷ്യമായി മൂളി

“അവൻ എന്നാ വരുക ” അതിലെ ആകാംക്ഷ തിരിച്ചറിഞ്ഞപ്പോൾ അവന്റെ കവിളത്ത് നുള്ളിക്കൊണ്ടു പറഞ്ഞു

” അമ്മയുടെ വയറു കണ്ടില്ലേ .. പെട്ടന്ന് വരും നന്ദുവിനു കൂട്ടിനായി ”

അവൻ ഒന്നും പറയാതെ എന്റെ മുഖത്തേക്ക് നോക്കി പിന്നെ മുറിയിലേക്ക് നടന്നു .

ആ പോക്കിൽ എന്തോ പന്തികേട് തോന്നിയതിനാൽ ഞാനും പിന്നിൽ കൂടി . പതുക്കെ റൂമിന്റെ വാതിലിൽ ചെന്ന് എത്തി നോക്കി .

അവന്റെ കളിക്കോപ്പുകൾ എല്ലാം ഷെൽഫിൽ അടുക്കി വെക്കുകയാണ് . എല്ലാം വെച്ച് കഴിഞ്ഞു തൃപ്തി ആവാത്തവനെപ്പോലെ എന്തോ വീണ്ടും തേടുന്നുണ്ട്

” മോൻ എന്താ തിരിയുന്നത് ”

” ഈ അലമാരയുടെ ചാവി എവിടെ ”

മോന് എന്തിനാ ഇപ്പോൾ താക്കോൽ ?”

” ഇത് പൂട്ടാൻ …. എന്റെ കളിക്കോപ്പു ഒക്കെ ഇതിൽ അല്ലേ ”

” ഹാ ഹാ ..അതെന്തിനാ നന്ദു പൂട്ടുന്നെ? ”

” അത് … അവൻ വന്നാൽ എടുത്തു കളിച്ചു നാശമാക്കും .. പിന്നെ ചിലപ്പോ എനിക്ക് കിട്ടിയില്ല എന്നും വരും ” അവൻ വീണ്ടും താക്കോൽ പരതിക്കൊണ്ടു പറഞ്ഞു .

” എടാ ..അത് നിന്റെ അനിയനല്ലേ … അപ്പോൾ നീ വേണ്ടേ അവനു കൊടുക്കാൻ ”

“എനിക്കെന്തിനാ അനിയൻ … എനിക്കു അനിയൻ വേണ്ട .. പിന്നെ എനിക്ക് ഒന്നും കിട്ടാതാവും ” അവൻ കരയാനുള്ള പുറപ്പാടിലാണ്

എന്റെ ഉള്ളൊന്നു കാളി . ഞാൻ പതുക്കെ അവനെ എന്നിലേക്കു ചേർത്ത് നിർത്താൻ ശ്രമി ച്ചതും . എന്റെ വയറ്റിൽ ഇളയവൻ കിടന്നു ഒന്ന് ഇളകി തുടിക്കാൻ തുടങ്ങിയതും ഒരുമിച്ചായിരുന്നു .

“അതിനൊരു പ്രതിഷേധത്തിന്റെ സ്വരമുണ്ടോ .? പങ്കു വെയ്ക്കാനും ചേർന്ന് നിൽക്കാനും ആ കുരുന്നു ഹൃദയവും മടിക്കുന്നുണ്ടോ ?” ഓർത്തപ്പോൾ “ഉള്ളൊന്നു പിടഞ്ഞു

ഞാൻ പതുക്കെ മുറിയുടെ പുറത്തേക്ക് നടന്നു . അമ്മയും സഹോദരങ്ങളും ഇറങ്ങിപ്പോയ വഴിയിലേക്ക് നോക്കി .

ആ വഴയിൽ ഒരു അവ്യക്തമായി രൂപം.. പിന്നെ പതുക്കെ ചിത്രം തെളിഞ്ഞു വന്നപ്പോൾ കണ്ടു!!!!!!!!!!! കണ്ണീരോടെ പടിയിറങ്ങുന്ന “എന്നെ” .

അന്ന് തിരിഞ്ഞു നോക്കാതെ തന്നെ എനിക്ക് കാണാമായിരുന്നു പിന്നിൽ മക്കൾ കൊട്ടിയടച്ച വാതിലുകൾ .

മനോജ് കുമാർ കാപ്പാട് – കുവൈറ്റ്

ആദ്യരാത്രിയിൽ പാൽഗ്ലാസുമായി മുന്നിൽ വന്നു നിന്ന് ഞാൻ താലികെട്ടിയവൾ ഇത് പറഞ്ഞപ്പോൾ ഞാൻ ഞെട്ടി…

…………വധു ഗർഭിണിയാണ്……
*********************************
“ചേട്ടാ….ഞാൻ രണ്ട് മാസം ഗർഭിണിയാണ്”

ആദ്യരാത്രിയിൽ പാൽഗ്ലാസുമായി മുന്നിൽ വന്നു നിന്ന് ഞാൻ താലികെട്ടിയവൾ ഇത് പറഞ്ഞപ്പോൾ ഈ ഭൂമി മൊത്തത്തിൽ കറങ്ങുന്നതുപോലെയാണ് ആദ്യമെനിക്ക് തോന്നിയത്.മുറിയുടെ സൈഡിൽ തലയിടിച്ചപ്പോഴാണ് ഭൂമിയല്ല എന്റെ തലയാണ് കറങ്ങിയതെന്ന് മനസ്സിലായത്.

വഞ്ചകീ..ഞാൻ ആ ഒരുമ്പെട്ടവളുടെ മുഖത്തേക്കും വയറിലേക്കും മാറിമാറി നോക്കി..
ഇല്ല അവളുടെ വയറ് കണ്ടാൽ ഗർഭം ഉണ്ടെന്ന് തോന്നുകയേ ഇല്ല..വയറ് വീർത്തിട്ടേയില്ല..

“ടാ..മണ്ടാ രണ്ട് മാസം ഗർഭിണിയായവളുടെ വയറ് എങ്ങനെയാടാ വീർത്തിരിക്കുന്നത്.അതിന് ഒരു നാല് മാസമെങ്കിലും ആകണ്ടേ വയറ് വലുതാകാൻ ”
എന്റെ മനസ്സാക്ഷി എന്നോട് ചോദിച്ചു..

അത് ശരിയാണല്ലോ..അപ്പോൾ ഇവൾ ഗർഭിണി ആണെന്ന് പറഞ്ഞത് ശരിയാകും..ആരാണ് കൊച്ചിന്റെ തന്ത എന്ന് മാത്രമിനി അറിഞ്ഞാൽ മതി

“ആരാടീ നിന്റെ ഗർഭത്തിനുത്തരവാദി?”
എന്നുള്ള എന്റെ ചോദ്യം എന്തോ പുറത്തേക്ക് വരാതെ തൊണ്ടയിൽ തന്നെ തടഞ്ഞു നിന്നു.
അവളുടെ കയ്യിൽ നിന്നും പാൽഗ്ലാസ് പിടിച്ചുവാങ്ങി ഒറ്റവലിക്ക് ആ പാല്മൊത്തം കുടിച്ച് തീർത്തിട്ടും വല്ലാത്ത പരവേശം

അവളെ പെണ്ണ് കാണാൻ പോയ അന്നുതൊട്ട്
താലികെട്ടുകഴിഞ്ഞ് അവളീ വീട്ടിലേക്ക് വലതുകാൽ വെച്ച് കേറിയതുവരെയുള്ള സീനുകൾ ഒറ്റഷോട്ടിൽ തന്നെ എന്റെ മനസ്സിലേക്കോടിയെത്തി.

ഞാനൊന്നും മിണ്ടാതെ കണ്ണും മിഴിച്ചു നിൽക്കുന്നത് കണ്ടിട്ടാവണം “ചേട്ടാ”
എന്നും വിളിച്ചവൾ എന്റെ തോളിൽ കൈവെച്ചത്…
“ഛീ…. കന്യകനായ എന്നെ പിഴച്ചവളായ നീ തൊട്ടുപോകരുത് “എന്ന് പറയണമെന്നുണ്ടായിരുന്നില്ലെങ്കിലും ഞാനത് മനസ്സിൽ തന്നെയടക്കി

അവൾക്കായി ആദ്യം വാങ്ങി നൽകിയ ഐഫോൺ മുതൽ ഹണിമൂണിനായി ബുക്ക് ചെയ്തിട്ട ടിക്കറ്റ് ചാർജ്ജിന്റെ വരെ കാശ് ഓർത്തപ്പോൾ ആ മൂധേവിയുടെ വയറ്റത്തിട്ടൊരു തൊഴികൊടുക്കാനാണ് തോന്നിയത് ,അതോടെ അവളുടെ അവിഹിത ഗർഭവും കലങ്ങിയേനെ …..

“ചേട്ടനെന്താ ഒന്നും പറയാതെ നിൽക്കുന്നത്?”
എന്നുള്ള അവളുടെ ആ ഓഞ്ഞ ചോദ്യത്തിന്

“ഞാനിനി എന്തു പറയാനാ? പറയാനുള്ളതൊക്കെ നാളെമുതൽ വീട്ടുകാരും നാട്ടുകാരും പറഞ്ഞോളും.കെട്ടിയപെണ്ണിനൊപ്പം ഒരു ഗർഭം കൂടി ഫ്രീ കിട്ടിയ പുതുമണവാളൻ …അതായിരിക്കും നാളെമുതൽ എന്നെകാണുമ്പോൾ മറ്റുള്ളവർക്ക് പറയാനുണ്ടാകുക..എന്നാലും… എടീ വഞ്ചകി നീ എന്നോട് എന്തിനീ ചതി ചെയ്തു.നിന്റെ ഗർഭത്തിനുത്തരവാദി ആരാണെന്നുവെച്ചാൽ
അവനോടൊപ്പം നിനക്ക് പോകാമായിരുന്നില്ലേ.

വെറുതേ എന്നെയെന്തിനു മറ്റുള്ളവരുടെ മുന്നിൽ കോമാളിയാക്കി.വല്ലവന്റേയും ഗർഭത്തിനുത്തരവാദിത്വം എന്നെക്കൊണ്ട് ഏറ്റെടുപ്പിക്കുന്നു..ഇല്ല…. നിന്നെപ്പോലുള്ളവളുമാർക്ക് മാപ്പില്ല .വല്ലവന്റേയും കൊച്ചിന്റെ തന്തയാകാൻ എനിക്ക് പറ്റില്ല.ഇപ്പഴിറങ്ങണം നീ ഈ മുറിയിൽ നിന്നും ”

ഒറ്റ ശ്വാസത്തിൽ ഞാനിത്രയും പറഞ്ഞു തീർന്നതും അവള് ദേ പൊട്ടിച്ചിരിക്കുന്നു.

“ദൈവമേ ഇവൾക്ക് ഗർഭം മാത്രമല്ല ,ഭ്രാന്തുമുണ്ടായിരുന്നോ ?”
ഞാനിത് മനസ്സിൽ ഓർത്തതും അവളുടെ മറുപടി ഉടനെ വന്നു.

“എനിക്ക് ഗർഭവും വട്ടും ഒന്നുമില്ലാട്ടോ.ചേട്ടനിതറിയുമ്പോൾ എങ്ങനെ പ്രതികരിക്കുമെന്നറിയാൻ വേണ്ടിയുള്ള ഒരു നാടകം.ഈ ഡയലോഗെനിക്ക് പറഞ്ഞു തന്നത് ചേട്ടന്റെ പെങ്ങളും അളിയനുമാ. ഞാൻ അവർ പറഞ്ഞത് അക്ഷരംപ്രതി അനുസരിച്ചൂന്ന് മാത്രം.എന്നെ ഇതിന്റെ പേരിൽ സംശയിക്കുകയും വെറുക്കുകയും ചെയ്യരുതേ ചേട്ടാ”

ചിരിയോടെ തുടങ്ങിയ അവളുടെ സംസാരം കണ്ണീരോടെ കൈകൂപ്പി ആയപ്പോൾ എനിക്ക് മനസ്സിലായി ഇവൾ ശരിക്കും ഒരുപൊട്ടിപെണ്ണ് തന്നെയെന്ന്.
ആ മിഴികളിൽ നിറഞ്ഞ നീർകണങ്ങൾ വിരൾ തുമ്പാൽ തട്ടിതെറിപ്പിച്ച് അവളെ നെഞ്ചോട് ചേർത്ത് നിർത്തി ഞാൻ പതുക്കെ അവളുടെ കാതിൽ പറഞ്ഞു.

“അതേ നിന്റെ ഇല്ലാത്ത രണ്ട്മാസത്തെ ഗർഭത്തിന്റെ പേരിൽ എന്റെ പെങ്ങളേയും അളിയനേയും ഞാൻ നാളെ പച്ചമാങ്ങ പറിക്കാനായി നമ്മുടെ മൂവാണ്ടൻ മാവേൽ ഏണിവെച്ച് കയറ്റി നീറിനെ കൊണ്ട് കടിപ്പിക്കുന്നത് കാട്ടിതരാട്ടോ”

By……RemyaRajesh

മുൻകാമുകിയുടെ പേരായ ഹസ്ന എന്നിട്ടത്.. അവൾ ഗൾഫിൽനിന്നും തിരിച്ച് വന്നിട്ടുണ്ടെന്ന് കാരണം…

#പഴയ_കാമുകിയും_പിന്നെ_ഭാര്യയും..

നിങ്ങൾ ഇത്ര പെട്ടെന്ന് ഒരുങ്ങിക്കഴിഞ്ഞോ..?
ഇന്ന് എന്താണിത്ര തിടുക്കം..? പഴയ കാമുകിയെ കാണാനുള്ള തിടുക്കമാകും അല്ലേ…?

സമീറാ….നീ വേണ്ടാത്തതൊന്നും പറയണ്ടട്ടോ..
ഞാനവളെ എന്നോ മറന്നതാണ്…

പിന്നേ…എന്നോ മറന്നിട്ടാണോ നമ്മുടെ
മോൾക്ക് മുൻകാമുകിയുടെ പേരായ
ഹസ്ന എന്നിട്ടത്..
അവൾ ഗൾഫിൽനിന്നും തിരിച്ച് വന്നിട്ടുണ്ടെന്ന് ഞാനറിഞ്ഞു .
അവളെ കാണാൻ വേണ്ടിയല്ലേ
നിങ്ങൾക്കിത്ര തിടുക്കം..
കുടുംബത്തിലെ ഒരു കല്യാണത്തിനും തലേദിവസം പോകാത്ത നിങ്ങൾ ഇന്നു മാത്രം ഇത്ര ധൃതി കൂട്ടുന്നത് കല്യാണപ്പെണ്ണ് നിങ്ങളുടെ മാമന്റെ മോൾ ആയതുകൊണ്ടോ അതോ പഴയ കാമുകിയുടെ അനിയത്തി ആയതുകൊണ്ടോ..?

സമീറാ.. എനിക്ക് നിന്നോട് തർക്കിച്ചു
നിൽക്കാൻ താൽപര്യമില്ല .
നീ വരുന്നുണ്ടെങ്കിൽ വാ…

ഞാൻ വരാതിരുന്നാൽ നിങ്ങൾക്ക് കൂടുതൽ സൗകര്യം ആകുമല്ലോ..
അങ്ങനെ വേണ്ട .. ഞാൻ വരുന്നുണ്ട്.. എനിക്കവളെ ഒന്നു കാണണം..

കല്യാണ വീട്ടില്‍ സമീറയുടെ കണ്ണുകൾ സംശയത്തോടെ റഷീദിനെ പിന്തുടർന്നുകൊണ്ടേയിരുന്നു.
ഹസ്നയെ ഒന്ന് തനിച്ചു കിട്ടാനും ചിലത് ചോദിക്കാനുമായി സമീറ തക്കം പാർത്തുനിന്നു..

സ്ത്രീകൾ ഭക്ഷണം കഴിക്കാൻ കൂട്ടത്തോടെ പന്തലിലേക്കു പോകുമ്പോൾ ഹസ്നയുടെ
കൂടെ സമീറയും കൂടി.
ഹസ്നയുടെ അടുത്തുള്ള കസേരയിൽ തന്നെ ചാടിക്കയറിയിരുന്ന് അവളെ നോക്കി വെളുക്കെ ഒന്ന് ചിരിച്ചു…

ഹസ്നയല്ലേ ..?
എന്നെ ഓർമയുണ്ടോ..?
ഞാൻ റഷീദിന്റെ ഭാര്യയാണ് സമീറ…

ഓർമ്മയുണ്ട് സമീറാ….
നിങ്ങളുടെ കല്യാണത്തിന് കണ്ടതാണ് . ശരിക്കൊന്ന് പരിചയപ്പെടാൻ കഴിഞ്ഞിട്ടില്ല.. നിങ്ങളുടെ കല്യാണം കഴിഞ്ഞ പിറ്റേദിവസം തന്നെയാണ് ഞാൻ ഭർത്താവിന്റെ കൂടെ ദുബായിലേക്ക് പോയത്..
മൂന്ന് വര്‍ഷങ്ങള്‍ക്ക് ശേഷം ഇപ്പോഴാണ്
തിരിച്ചു വരുന്നത്…
എന്തൊക്കെയുണ്ട് വിശേഷങ്ങൾ..
സുഖമല്ലേ..

സുഖം .അങ്ങനെ പോകുന്നു..
ഇത് എന്റെ മോളാണ്.
ഇവളുടെ പേരും ഹസ്നയാണ്..
നിങ്ങളുടെ അതേ പേര്..

സമീറ ഹസ്നയെ ഒന്ന് ഒളികണ്ണിട്ടു നോക്കി..

ഹസ്ന തലയും താഴ്ത്തി പിടിച്ച് നിന്ന് ഭക്ഷണത്തിലേക്ക് മാത്രം ശ്രദ്ധിച്ചു..

നിങ്ങളും റഷീദിക്കയും തമ്മിൽ സ്നേഹത്തിലായിരുന്നു അല്ലേ…?
അതുകൊണ്ടാണല്ലോ നിങ്ങളുടെ പേര് തന്നെ ഇവൾക്ക് ഇട്ടത്..
എപ്പോഴും നിങ്ങളെ കുറിച്ച് പറയും..
ഇക്ക എന്ത് വിഷയം പറഞ്ഞ് തുടങ്ങിയാലും
അത് നിങ്ങളിലേ അവസാനിക്കൂ..
ഞാനിപ്പോഴും ഒരു രണ്ടാം നംമ്പര്‍കാരിയാണ്..
നിങ്ങള്‍ കഴിഞ്ഞിട്ടേ ഇപ്പോഴും ആ മനസ്സില്‍ എനിക്ക് സ്ഥാനമൊള്ളൂ…
നിങ്ങള്‍ക്ക് കല്ല്യാണം കഴിച്ചൂടായിരുന്നോ…?
ഇതിന്റെ ഇടയിലേക്ക് എന്നെ വലിച്ചിടണമായിരുന്നോ…?

സമീറയുടെ കണ്ഠമിടറി…

എന്താണ് സമീറാ നീ പറയുന്നത്..?
ഞാനും റഷീദിക്കയും തമ്മില്‍ പ്രേമമായിരുന്നെന്നോ…?
ഒന്ന് പോ പെണ്ണേ തമാശ പറയാതെ..
അവര്‍ എന്റെ വീട്ടില്‍ കല്ല്യാണം ആലോചിച്ചിരുന്നു എന്നത് സത്യമാണ് ..
കുടുബത്തിലേക്ക് കല്ല്യാണം വേണ്ട എന്ന് പറഞ്ഞ് ഞാന്‍ തന്നെയാണ് അത് മുടക്കിയത്..
അല്ലാതെ നീ കരുതുന്ന പോലെ ഞങ്ങള്‍ തമ്മില്‍ പ്രേമവും സ്നേഹവും ഒന്നും ഉണ്ടായിരുന്നില്ല…

സമീറ ഒന്ന് ദീർഘനിശ്വാസം എടുത്തു..
ഭക്ഷണം കഴിച്ചെന്ന് വരുത്തി വേഗം എഴുന്നേറ്റു.

കല്ല്യാണപന്തലില്‍ ഒാരോ കാര്യങ്ങളും
നോക്കി നടത്തി അങ്ങോട്ടുമിങ്ങോട്ടും
ഒാടി നടക്കുന്ന റഷീദിനെ അവള്‍ കൈകാട്ടി മാടിവിളിച്ചു. രണ്ടുപേരും അല്പം മാറിനിന്നു..

നാണമില്ലേ ഇക്കാ നിങ്ങൾക്ക്..
പ്രേമമായിരുന്നു പോലും..
ഹസ്ന നിങ്ങളുടെപ്രേമം അറിഞ്ഞിട്ടുപോലുമില്ല..
നിങ്ങളുടെ ഒരു ദിവ്യപ്രേമം..
ഇനി എങ്ങാനും അവളുടെ ചിന്തയോ അവളെ പറ്റിയുള്ള സംസാരമോ നിങ്ങളുടെ അടുത്ത് നിന്നുണ്ടായാൽ കൊല്ലും ഞാൻ..

റഷീദ് തലയും താഴ്ത്തി നിന്നു..

നിങ്ങൾക്കെന്നോട് ദോഷമുണ്ടോ ഇക്കാ..
ഭർത്താവിന് കല്യാണത്തിനു മുമ്പ് ഒരു പ്രേമം ഉണ്ടായിരുന്നു എന്നത് ഒരു തെറ്റല്ല..
പക്ഷേ കല്യാണം കഴിഞ്ഞും അവളെ
ഒാര്‍ത്തു കൊണ്ടിരിക്കുകയും
സംസാരത്തിൽ ഇടക്കിടക്ക് കാമുകിയുടെ പേര് കയറിവരുകയും ചെയ്താൽ ഒരു ഭാര്യക്ക്
അത് എത്രത്തോളം സങ്കടം ഉണ്ടാക്കുമെന്ന് നിങ്ങൾക്കറിയാമോ ഇക്കാ…
നിങ്ങൾ അവളെ കുറിച്ച് സംസാരിക്കുന്ന ഓരോ നിമിഷവും എന്റെ മനസ്സിന്റെ ഉള്ളിലെ നീറ്റൽ എത്രയായിരുന്നു എന്ന് നിങ്ങൾക്കറിയാമോ.. ?
അത് പറഞ്ഞറിയിക്കാന്‍ കഴിയില്ല..
എനിക്ക് കിട്ടേണ്ട സ്നേഹം ഇപ്പോഴും മറ്റെരാള്‍ പങ്കു വെക്കുന്നല്ലോ എന്നാലോചിച്ച് ഞാനെത്ര കരഞ്ഞിട്ടുണ്ടെന്ന് നിങ്ങള്‍ക്കറിയാമോ..?

സമീറയുടെ കണ്ണുകൾ നിറഞ്ഞൊഴുകി..

സമീറാ…ഞാൻ…
നീ കരയല്ലേ….. ആളുകള്‍ കാണും….

സാരമില്ല ഇക്കാ…
ഇപ്പോൾ എനിക്ക് സന്തോഷമായി..
അവളുടെ മനസ്സിൽ നിങ്ങളില്ല എന്ന് അറിഞ്ഞല്ലോ….. അതുമതി.

സമീറ തിരിഞ്ഞുനടക്കുമ്പോൾ
ഇനിയൊരിക്കലും ഹസ്നയെ ഓർക്കുകപോലും ഇല്ലെന്നും അവളെക്കുറിച്ച് ഇനി ഒരിക്കലും സംസാരിക്കുക ഇല്ലെന്നും മനസ്സിൽ ശപഥം ചെയ്യുക ആയിരുന്നു റഷീദ്..

ഈ സമയം ഒന്ന് ആർത്തലച്ചു കരയാൻ
ഒരു ഇടം തേടുകയായിരുന്നു ഹസ്ന..
തന്റെ പിതാവിന്റെ പിടിവാശിമൂലം തനിക്ക് നഷ്ടപ്പെട്ടുപോയ, താൻ ജീവനെക്കാളും സ്നേഹിച്ചിരുന്ന, തന്റെ എല്ലാമെല്ലാം ആക്കാൻ കൊതിച്ചിരുന്ന റഷീദിക്കയെ കുറിച്ചുള്ള ഓർമ്മകളെ കണ്ണീർ പുഴകളിലൂടെ ഒഴുക്കിക്കളഞ്ഞ് മനസ്സൊന്ന് ശുദ്ധമാക്കാൻ പറ്റിയ ആരുമില്ലാത്ത ഒരിടം…

Shihab Kzm

പെണ്ണു കാണാൻ ചെന്ന എന്നോടവളിങ്ങനെ പറഞ്ഞപ്പോൾ ഞാനെന്നല്ല ഏതൊരാളും ഞെട്ടും

അഞ്ചു വർഷം കഴിഞ്ഞേ കുട്ടികളുണ്ടാകുന്ന കാര്യത്തെപ്പറ്റി ചിന്തിക്കാവൂ ……

പെണ്ണു കാണാൻ ചെന്ന എന്നോടവളിങ്ങനെ പറഞ്ഞപ്പോൾ ഞാനെന്നല്ല ഏതൊരാളും ഞെട്ടും …..

എന്താ ഏട്ടാ ഞാൻ പറഞ്ഞത് കേട്ടില്ലേ …..?അത് സമ്മതമാണേൽ മാത്രം മതി ഈ വിവാഹം ……

ഇത്രയും പറഞ്ഞ് അവൾ തിരിഞ്ഞു നടന്നു…

ഒടുക്കത്തെ സൗന്ദര്യം…..
മുട്ടറ്റം തലമുടി ….
പാലപ്പൂവിന്റെ നിറം…..
കാവിലെ ദേവി പ്രത്യക്ഷപ്പെട്ടതു പോലെ…

അമ്മയുടെ ഈ വർണ്ണന കേട്ട് പെണ്ണു കാണാൻ ഇറങ്ങിയപ്പൊഴേ ഓർത്തതാ ഇതിങ്ങനേ വരൂന്ന് ….
വെറുതേ കാവിലെ ഭഗവതിയെ സ്വപ്നം കണ്ടത് മിച്ചം….

ഈശ്വരാ ഇതെന്തു സാധനമാ…? പെണ്ണുകാണാൻ വരുമ്പോൾ തന്നെ ചെക്കനോട് ഏതേലും പെണ്ണ് ഇങ്ങനെ പറയോ….? വല്ലാത്ത ജാതി തന്നെ…
ഇപ്പോഴത്തെ പെൺകുട്ട്യോളൊക്കെ ഇങ്ങനാണോ ….?
സൗന്ദര്യം പോകുമെന്നോർത്ത് അമ്മയാകാൻ മടി…..

തിരികെ വീട്ടിൽ വന്നു കയറിയപ്പോൾ വാതിൽക്കൽ അമ്മ.

കുട്ടി എങ്ങനെ…. മോനേ നിനക്കിഷ്ടപ്പെട്ടോ…?

പിന്നേ ഒരു പാട് ഇഷ്ടപ്പെട്ടു …..
അവൾ ദേവിയല്ല വെളിച്ചപ്പാടാ…. വെളിച്ചപ്പാട്….

ഒന്നും മനസ്സിലാകാതെ അമ്മ കണ്ണു മിഴിച്ചു.

അവളെയൊക്കെ കെട്ടിയാൽ ജീവിതം തീർന്നു. എന്റെ ഇഷ്ടങ്ങൾ അനുസരിച്ച് നിൽക്കുന്ന ഒരു പാവം പെണ്ണു മതി എനിക്ക്. ഇനി പെണ്ണുകാണാൻ പോണില്ല. മനസ്സിന് ഇണങ്ങിയവളെ സ്വയം കണ്ടെത്തും വരെ.

ഒരാഴ്ച കഴിഞ്ഞ് സുഹൃത്തിനൊപ്പം ടൗണിൽ നിൽക്കുമ്പോൾ ദേ അവൾ മുന്നിൽ. അമ്മേടെ ഭാഷയിൽ പറഞ്ഞാൽ കാവിലെ ദേവി. ഏതോ ഒരുത്തന്റെ ബൈക്കിനു പിന്നിൽ വന്നിറങ്ങുന്നു. ഏതവനാണോ എന്തോ…..?
ഇവൾക്കൊക്കെ എന്തും ആവാല്ലോ….? അങ്ങനെ ചിന്തിച്ചു നിൽക്കുമ്പോൾ….

ഹലോ മാഷേ അറിയോ…?
അന്ന് പെണ്ണുകാണാൻ …..

ഇല്ല ഓർമ്മയുണ്ട്…..
ഇയാളെന്താ ഇവിടെ….?

ഗിഫ്റ്റ് വാങ്ങാൻ വന്നതാ. ഒരു ബേർത്ത് ഡേ പാർട്ടിയുണ്ട്.
എന്നാ ശരി കാണാട്ടോ…

പാർട്ടി യും ക്ലബ്ബും ഒക്കെ തന്നെ…
എന്തൊരു പെണ്ണാ ഇത്…?

പക്ഷേ അമ്മ പറഞ്ഞതിലും കാര്യമുണ്ട്
ഒരു കൊച്ചു ദേവി തന്നാണവൾ…
തിളങ്ങുന്ന കണ്ണുകളും…
വിടർന്ന മൂക്കും…
വെള്ളാരം കല്ലിൽ തീർത്ത മൂക്കുത്തിയും …
ആരും ഒന്നു നോക്കും…
പക്ഷേ സ്വഭാവം ഇതല്ലേ…?

അവളെ എന്നല്ല വിവാഹക്കാര്യം തന്നെ മറന്ന് ഫ്രണ്ട്സിനൊപ്പം കറങ്ങവേ അവളെ വീണ്ടും കണ്ടു.
വൈൻ ഷോപ്പിൽ….
എന്നെ കണ്ടതും അടുത്തു വന്നു…

എന്താ മാഷേ ക്യൂ നിൽക്കാൻ മടിയാണേൽ ഞാൻ വാങ്ങിത്തരാം…
പുഞ്ചിരിയോടെ അവൾ പറഞ്ഞു…

വേണ്ട …

സാധനം വാങ്ങി പോവാൻ നേരം അടുത്തെത്തി …..
കല്യാണം ആയാൽ വിളിക്കണം ട്ടോ …..

ഇതും പറഞ്ഞ് ചിരിച്ചു കൊണ്ടവൾ നടന്നു നീങ്ങി….

പിറ്റേന്ന് സുഹൃത്തിന്റെ വിവാഹത്തിന് പള്ളിയിലെത്തിയപ്പോൾ അവൾ അവിടെയും …
എവിടെ ചെന്നാലും ഈ സാധനം പുറകേ ഉണ്ടല്ലോ ഈശ്വരാ ..?
ചുറ്റും കുറച്ചു കുട്ടികളും ഉണ്ട് …
എന്തോ മുന്നിൽ പെടാതെ മാറി നിന്നു ഞാൻ അകരണമായ ഒരു ഇഷ്ടക്കേട് ….

വിവാഹമൊക്കെ കഴിഞ്ഞ് പോരാനിറങ്ങവേ ഞാനൊരു കാഴ്ച കണ്ടു …
അവളുടെ കയ്യിൽ ഒരാൺകുട്ടി ….
ഒരു വയസ്സു പ്രായം കാണും… കൂടെയുള്ളവർക്ക് അവനെ ഏൽപ്പിക്കാൻ അവൾ ശ്രമിക്കുമ്പോൾ അവളെ കെട്ടി പിടിച്ച് കരയുന്നു കുറേ നേരം ഈ കാഴ്ച നോക്കി നിന്നതിനു ശേഷം ഞാൻ അവിടേക്കു ചെന്നു…

എന്താടോ ….?
ഏതാ ഈ കുട്ടി…?

അപ്രതീക്ഷിതമായി എന്നെ അവിടെ കണ്ടതിനാലാവണം അവളൊന്നു ഞെട്ടി…

ഇത് …..
ഇതെന്റെ മോനോ…..

ഞാൻ കണ്ണു മിഴിച്ചു നിന്നു. കുഞ്ഞിനെയും കൊണ്ട് ഒന്നും പറയാതെ അവൾ നടന്നു നീങ്ങി….

എന്തൊക്കെയാ ഇത് …?
ഒന്നും മനസ്സിലാവുന്നില്ലല്ലോ ഈശ്വരാ…
ഒരു കുട്ടിയുള്ള ഇവളെയാണോ അമ്മ എനിക്കായി കണ്ടെത്തിയത് ….?
അതോ ഏതേലും രഹസ്യ ബന്ധത്തിൽ…
അതാവും അഞ്ചു വർഷത്തേക്ക് കുട്ടികൾ വേണ്ടാന്നു പറഞ്ഞത്…..

മനുവേട്ടാ …..

വിളികേട്ട് തിരിഞ്ഞു നോക്കിയപ്പോൾ പിന്നിൽ അവൾ …
മനുവേട്ടൻ പോയില്ലേ ഇതുവരെ …?

ഇല്ല….

മൂന്നു മാസം മുന്നേ ഒരു ട്രെയിൻ യാത്രയ്ക്കിടെ എന്റെ കയ്യിൽ വന്നു പെട്ട കുട്ടിയാണവൻ. തൊട്ടടുത്ത സീറ്റിൽ ആരോ ഉപേക്ഷിച്ചു പോയ അവനെ പോലീസിലും പിന്നീട് ഈ പള്ളി വക അനാഥാലയത്തിലും എത്തിച്ചത് ഞാനാണ്.
അന്നു മുതൽ ഞാനവന് അമ്മയായി….
അമ്മേ എന്നു തന്നാ അവനെന്നെ വിളിക്കുന്നതും …..
എന്തോ തിരുത്താൻ എനിക്കും തോന്നിയില്ല…

അവനെ കാണാൻ നേരം കിട്ടുമ്പോഴൊക്കെ ഞാനിവിടെ ഓടി വരാറുണ്ട് ..
അവന്റെ അമ്മയാകാൻ…
ഞാനൊരു വിവാഹം ചെയ്ത് കുട്ടികളും കുടുംബവുമൊക്കെയായി ജീവിച്ചാൻ എന്റെ അപ്പൂന് അമ്മയില്ലാതാകും…
അവനും ഇവിടുള്ള മറ്റു കുട്ടികളെപ്പോലെ അനാഥനാവും ….

അതു കൊണ്ടാ ഞാനന്ന് ….
അങ്ങനെ…..

അവനെ ദത്തെടുക്കാൻ ഒരു കുടുംബം തയ്യാറായിട്ടുണ്ട്. അതിന്റെ ഫോർമാലിറ്റീസ് പൂർത്തിയാവാൻ കാല താമസം ഉണ്ട്. അത് കഴിഞ്ഞെ ഞാനെന്റെ വിവാഹത്തെപ്പറ്റി ചിന്തിക്കൂ…

ഇത്രയും പറഞ്ഞ് അവൾ നിർത്തി…

ഇപ്പൊ അമ്മ പറഞ്ഞതു പോലെ എനിക്കും തോന്നി തുടങ്ങി ഇവൾ കാവിലെ ദേവി തന്നെ…

യാത്ര പറഞ്ഞ് അവൾ തിരിഞ്ഞു നടന്നു…

ദേവീ……

വിളിച്ചപ്പോൾ അറിയാതെ നാവിൽ വന്നത് അങ്ങനെയാണ്.
ആ വിളി കേട്ട് കണ്ണു മിഴിച്ചു കൊണ്ടവൾ തിരിഞ്ഞു നിന്നു …

ദേവിയോ ….?
അതാരാ……?

എന്റെ പേര് ദേവൂന്നാ……
ദേവ ഭദ്ര….

അത് തന്നാ വിളിച്ചത് ….
ദേവീം ദേവൂം ഒക്കെ ഒന്നു തന്നാ…
പറ്റിയ അബദ്ധം മറച്ചു വച്ച് പുഞ്ചിരിച്ചു കൊണ്ട് ഞാൻ പറഞ്ഞു…

അവളും ചിരിച്ചു…

അതേ ദേവൂ ഈ അഞ്ചു വർഷം എന്നുള്ളത് ഒന്നു മൂന്നാക്കി കുറക്കാൻ ഒക്കോ…

എന്റെ ചോദ്യം കേട്ട് അവൾ അമ്പരന്നു..

അതെന്തിനാ…?

അല്ല ഈ അഞ്ചെന്നു പറയുമ്പോൾ ഇത്തിരി കൂടിപ്പോയില്ലേ…..?
നമുക്ക് മൂന്നു വർഷം മതിയെന്നേ….

ഒന്നും പറയാതെ അവൾ പിൻതിരിഞ്ഞു നടന്നു …
നിരാശനായി ഞാനും ….

അതേ മാഷേ …..

വിളി കേട്ട് ഞാൻ നോക്കിയപ്പോൾ അവൾ പിന്നിൽ …

മൂന്ന് എന്നുള്ളത് നമുക്കൊരു രണ്ടര വർഷമാക്കിയാലോ …..?

അവൾ ചിരിച്ചു …. ഒപ്പം ഞാനും ….

#രചന #അതിഥി_അമ്മു…

അവളെ എന്റെ തല താഴത്തി പതിയെ ആ തടിയിൽ ഒരു ഉമ്മ തന്നു…… ഞാൻ അവളുടെ… വീൽ ചെയറും തള്ളി നടന്നു പതിയെ അവളെ…

🌸 എന്റെ മൂക്കുത്തി പൂവ്🌸

” ഇനി എന്റെ മൂക്കിൽ തൊട്ടാ…. എന്റെ സ്വഭാവം മാറും….. ”

വീൽചെയർയിൽ ഇരുന്ന് അവൾ അലറിവിളിച്ചു…. കൊണ്ട് ആ കാന്താരി കൈയിൽ ഇരുന്നാ ബ്രഷ് വച്ച് എറിഞ്ഞു….

” ടീ കാന്താരി നിന്റെ മൂക്കിലെ ആ പൂവിനെ എന്തൊരു അഴകാണ് പെണ്ണെ…… ”

ദേഷ്യം കൊണ്ട് മിഴികൾ നിറച്ച്… അവൾ മുഖം താഴത്തി ഇരിപ്പാണ്…. അടുത്തു ചെന്ന് ചെവിയിൽ കൈവച്ചു…

“സോറി ടീ കാന്താരി വേദനിച്ചോ…… ”

“ഇല്ലാടാ നല്ല സുഖം ഉണ്ട് ….. അത്രയ്ക്ക് നല്ലതാണ് എങ്കിൽ നീ ഒരണ്ണെം വാങ്ങി ഇട്ടോ… ”

എന്റെ മൂക്കിൽ പിടിച്ച് തിരിച്ച്.. നിറഞ്ഞാ മിഴികൾ ഞാൻ പതിയെ തുടച്ചു… അവൾ എന്റെ തലയിൽ തലോടി…..

” എനിക്ക് നീയല്ലാതെ ആരാടീ കാന്താരി വഴക്ക് ഇടാനും …… ഇണങ്ങാനും….”

” തുടങ്ങിയോടാ രാവിലെ തന്നെ അവളോട്…. വഴക്ക് ഇടാൻ….”

” ഇല്ലാ അമ്മ …….”

അവളുടെ അമ്മയും അച്ഛനും മരിച്ചതിൽ പിന്നെ ഞാൻ അവളെ ഇങ്ങോട്ട് കൂട്ടി പോന്നു അമ്മായിയുടെ.. മോൾ എന്റെ ഏറ്റവും അടുത്താ കൂട്ടുക്കാരിയും.. പിന്നെ ഇപ്പോ എന്റെ പ്രണയവും അവളാണ്….

” നീ അവളെ കൂട്ടിവന്നെ വലതും കഴിക്കാം… ”

” പോവാടീ കാന്താരി….. ” ‘

അവളെ എന്റെ തല താഴത്തി…. പതിയെ ആ തടിയിൽ ഒരു ഉമ്മ തന്നു…… ഞാൻ അവളുടെ… വീൽ ചെയറും… തള്ളി നടന്നു….. പതിയെ അവളെ എടുത്ത്… കസേരയിൽ ഇരുത്തി…. അവൾക്ക് വാരി കൊടുക്കാൻ തുടങ്ങി….. നാണം കൊണ്ടാ മിഴികൾ നിറഞ്ഞു…..

” ടാ ചെക്കാ ഇത്രയും ഇഷ്ട്ടം ഉണ്ടായിട്ടാണോ നീ എന്നെ എപ്പോഴും… കരയിക്കുന്നത്….”

ആ തല എന്റെ മുഖത്തോട് ചേർത്ത് വച്ചു ഒന്നു ചുംബിച്ചു…. അലസമായി ഇരുന്നാ മുടിയിഴകളെ പതിയെ തട്ടിമാറ്റി.. മാറ്റി മൂക്കിൻ തുമ്പിൽ ഒന്നു തലോടി….

” ഇഷ്ടം കൂടുതൽ കൊണ്ടാണ് കാന്താരി നിന്നെ ഇങ്ങനെ സ്നേഹിച്ച് കൊല്ലുന്നത്….”

” അയ്യോ മോൻ വേഗം ജോലിക്ക് പോയിട്ടു വന്നെ നമ്മുക്ക് ഇന്ന് കറങ്ങാൻ പോവൻ ഉള്ളതാ…. ”

ആ നെറ്റിയിൽ ഒരു ഉമ്മ കൊടുത്തു ഞാൻ ഇറങ്ങാൻ തുടങ്ങുമ്പോൾ എന്റെ കൈ പിടിച്ച് …. വലിച്ച് ആ കവിളിൽ ഒന്നു കുളിര് പകർന്നു…… ഞാൻ ഇറങ്ങുന്നത് മുതൽ വരുന്നത് വരെ.. ആ ജനലായിൽ ഇരുന്ന് ആ ക്യാനവാസിൽ ചായങ്ങൾ ചലിച്ചു കൊണ്ടെയിരിക്കും… അവൾ…. ഓഫീസിൽ എത്തി കുറച്ച് നേരം കഴിഞ്ഞതും വളെരെ അവിചാരതമായാണ് എനിക്കാ ഫോൺ വന്നത്……

തുടരും

‘✍ മൂക്കുത്തിപ്പെണ്ണിനെ പ്രണയിച്ചവൻ

ഭാര്യ മരിച്ച പുരുഷന് ഭാര്യയുടെ ശവസംസ് ക്കാരം കഴിഞ്ഞ ഉടൻ അടുത്ത വിവാഹത്തിനുള്ള ആലോചനകൾ തുടങ്ങുക കാരണം…

ദീർഘസുമംഗലീ ഭവ. 【ചെറുകഥ】
★—————-★

“സുധി, പാചക പ്പുരയിലെക്കുള്ള ഉണങ്ങിയവിറക് എവിടെയാ വച്ചിരിക്കുന്നെ..? ”

ഉറക്കത്തിലെക്ക് വീഴാൻ തുടങ്ങവെയാണ്‌ മായേട്ടത്തി തട്ടി ഉണർത്തിയത്. ആ കൈകൾ ഐസ് പോലെ തണുത്തിരുന്നതിനാൽ പെട്ടെന്ന് ഞെട്ടി എഴുന്നേറ്റു.

“കൊച്ചുറങ്ങുവായിരുന്നോ..?ശോ.. !അറിഞ്ഞില്ല ല്ലോ ഡാ.. ”

എന്തോ വലിയ തെറ്റ് ചെയ്ത പോലെ ഏട്ടത്തിനിന്നു . പന്തലിന്റെ മൂലയിൽ നാലു കസേരകൾ ചേർത്തു കട്ടിൽ പോലെഒരുക്കി
അതിൽ ഓരോന്നോർത്തുകിടന്നതാണ്
കണ്ണടഞ്ഞു പോയത്അറിഞ്ഞില്ല.

“സാരമില്ലേട്ടത്തി..വെറുതെകിടന്നതാ..”കസേരകൾ പഴയപോലെ ഇട്ടുകൊണ്ട് പറഞ്ഞു.

“തീ, പന്തലിലെക്കുള്ള വിറക് എവിടെയാ കൊച്ചു വെച്ചത്..? ”

മൊബൈലെടുത്തു തെളിച്ചു. സമയം മൂന്നു മണി.പാചക പന്തലിൽ പത്രങ്ങൾ കൂട്ടി മുട്ടുന്ന ശബ്ദം കേൾക്കാം.

“അതുഞാൻഎടുത്തുകൊടുത്തുകൊള്ളാം.
ഏട്ടത്തി പോയി കുറച്ചു ഉറങ്ങിക്കൊള്ളു, ഇന്നലെ മുതൽ കഷ്ട്ടപ്പെടുന്നതല്ലേ..?”

ആ മുഖത്തു ഉറക്കക്ഷീണംതെളിഞ്ഞു കാണാം.

“നീ എന്താ സുധി ഈ പറയണെ..?എന്റെ സിനി മോൾടെ വിവാഹമാണ്.ഇതെക്കെ എന്റെ കടമയാണ്..”

“ഏട്ടത്തി നേരം പുലർന്നാൽ പിടിപ്പതും
പണിയുണ്ടാവും അല്പമെങ്കിലും ഉറങ്ങിയില്ലെങ്കിൽ ഏട്ടത്തി വീണു പോകും..!”

“എന്നാലും.. സാരമില്ല സുധി,ഞാൻ ഉറങ്ങിയാൽ..അത്
ചിലപ്പോൾ നിന്റെ ഏട്ടൻ സഹിക്കില്ല..”
അതു പറയുമ്പോൾ ആ വാക്കുകൾ ഇടറിയിരുന്നു.

“എവിടെയാന്നു പറ സുധി, പാചകക്കാരൻ രണ്ടു പ്രാവശ്യം ചോദിച്ചു..”
ഏട്ടത്തി കൃത്രിമതിടുക്കം കൂട്ടി.

“അതു, പന്തലിന് പിന്നിൽ മൂടി വച്ചിട്ടുണ്ട്..ഏട്ടത്തി..”വർണ്ണങ്ങൾവിതറിമിന്നി തെളിയുന്ന സീരിയൽബൾബുകളിലേക്കു മിഴികൾ നാട്ടുകൊണ്ടു പറഞ്ഞു.

“ശരി.. കൊച്ച് കുറച്ചുകൂടി ഉറങ്ങിക്കോ ട്ടോ..”ഇതും പറഞ്ഞുഏട്ടത്തി നടന്നു മറഞ്ഞു.

“എന്താടാ.. നിന്റെ കുടുംബത്തിൽ വേറെ പെണ്ണുങ്ങൾ ഒന്നും ഇല്ലേ..?”
സുഹൃത്ത് അബുവാണ്.
“അല്ല, എവിടെ നോക്കിയാലും ആ ചേച്ചിയെ കാണാം. അവര് വെറുതെഇരുന്ന് ഇതു വരെ ഞാൻ കണ്ടിട്ടില്ല.. പാവം. ഒരുപാട് കഷ്ടപ്പെടുന്നുണ്ട്.. കേട്ടോ ”

ഒരു പാട്ടും പാടി അബു തെക്കേ പന്തലിലെ ചീട്ടു കളിക്കാരുടെ ഭാഗം നോക്കി നടന്നു.
വീടിനു മുന്നിലെ ഭിത്തിയിൽ ഫ്രെയിം ചെയ്തു വച്ചിരിന്ന അച്ഛന്റെയും, ഏട്ടന്റെയും ഫോട്ടോ യിൽ കണ്ണെത്തി.
അച്ഛന്റെ മരണശേഷം ഞങ്ങൾക്ക് ഏട്ടൻ ആയിരുന്നു എല്ലാം.
അച്ഛന്റെ സ്ഥാനത്തു നിന്നും ഏട്ടൻ എല്ലാം ഭംഗിയായി ചെയ്തു.
എന്നെയും, സിനിയേയും ഒരുപാട് കഷ്ട്ടപ്പെട്ടു നല്ല രീതിയിൽ തന്നെ പഠിപ്പിച്ചു .
ഞങ്ങളുടെ നിർബന്ധം കൊണ്ടു മാത്രമാണ് ഏട്ടൻ ഒരു വിവാഹത്തിന് തയ്യാറായത്.

ഏട്ടനെപോലെ തന്നെ നിഷ്‌കളങ്കയും, പാവവും ആയിരുന്നു മായേട്ടത്തിയും.
സന്തോഷത്തിന്റെ ആ നാളുകൾക്കുവിരാമം ഇട്ടു കൊണ്ടുപ്രതീക്ഷിക്കാതെഎത്തിയവാഹനാപകടംഏട്ടന്റെ ജീവൻ എടുത്തപ്പോൾ ആ നാടു തന്നെ കണ്ണീരണിഞ്ഞു. പക്ഷെ,ഏട്ടന്റെ മരണ ശേഷംഏട്ടത്തിയുടെ കണ്ണുകൾ മാത്രം ഇതു വരെ നനഞ്ഞില്ല.
ആശുപത്രികിടക്കയിൽ വച്ചു ഏട്ടന്കൊടുത്ത വാക്കാണ് ഇനി ഒരിക്കലും കരയില്ലെന്ന്. വർഷം നാല് കഴിഞ്ഞിട്ടും ഇന്നും അതിനൊരു മാറ്റവും ഇല്ല.
ഏട്ടൻ ഒരു നേരം മിണ്ടാതിരുന്നാൽ കൂടി പൊട്ടിക്കരയുന്ന ഏട്ടത്തിയെ പലവട്ടം കണ്ടിട്ടുണ്ട്.
നൊമ്പരം താങ്ങുവാൻ ആവാതെ ആ ഹൃദയം പൊട്ടിത്തെറിക്കുമോ എന്നു ഞാൻ ഇപ്പോൾ ഭയക്കുന്നു.

“സുധീ..”
അമ്മയുടെ നീട്ടിയുള്ള വിളി ഓർമ്മകളിൽ നിന്നും ഉണർത്തി.

–——————

ചെറുക്കനുംകൂട്ടരുംഎത്തിചേർന്നു.മുഹൂർത്തത്തിനു ഇനിയും സമയമുണ്ട്.
കല്യാണചെറുക്കൻ അമ്മയുടെ ബന്ധത്തിൽ തന്നെ ഉള്ളത്‌ ആയതു കൊണ്ടു എല്ലാ മുഖങ്ങളും പരിചിതം ആയിരുന്നു.
പയ്യന്റെ അമ്മയാണ് ഈ ബന്ധത്തിന് മുന്നിട്ട് നിന്നത്. യദുവിനു ടൗണിൽ ഒരുമൊബൈലിൽ ഷോപ്പ്ഉണ്ട്.
നല്ല സ്വഭാവം. സിനിയുമായിനല്ല ചേർച്ചയും.

“സുധി..മുല്ലമാല എവിടെയാ വച്ചിരിക്കുന്നെ..?”
ഏട്ടത്തിതിരക്കിനിടയിൽ കൂടെ വന്നു ചോദിച്ചു.

“ഏട്ടത്തി ,മാല റെഡിയാണ് .ഇപ്പോൾ തന്നെ പോയി വാങ്ങിയിട്ട് വരാം. ”

“സമയം കളയേണ്ട ,വേഗം പോയി വാങ്ങിവാ..”
ഏട്ടത്തി തിരക്കിൽ മറഞ്ഞു.

ഭാഗ്യം,മറന്നിരിക്കുകയായിരുന്നു.ഓർമ്മിപ്പിച്ചത് നന്നായി. എവിടെയൊക്കെ ഏടത്തിയുടെ കണ്ണുകൾ ചെല്ലുന്നു എന്നത് അതിശയിപ്പിച്ചു.
സുഹൃത്തുമായി ബൈക്കിൽ മാലയും വാങ്ങിവരുമ്പോൾ..
ഏട്ടത്തി ഓടി വന്നു നിന്നതു ബൈക്കിനു മുന്നിൽ ആണ്.മുഖമൊളിപ്പിച്ചു നടക്കാൻ ശ്രമിച്ചു.അതിൽ പരാജയപ്പെട്ടപോലെ അടുത്തു വന്നു.

“സുധി ,എന്നെ എന്റെ വീട് വരെ ഒന്നു വിടണം..”
ആ,സ്വരത്തിലെമാറ്റംതിരിച്ചറിഞ്ഞു.
ഏട്ടത്തിയുടെ കലങ്ങിയ കണ്ണുകൾ ശ്രദ്ധിച്ചു.

“എന്താ.. ഏട്ടത്തി, എന്തു സംഭവിച്ചു.?”

“ഒന്നും, ഇല്ലെടാ കൊച്ചേ,.. എന്നെ വിട്ടു നീ വേഗം തിരിച്ചു വാ. ഇവിടെ നീ ഉണ്ടാവണം..” കണ്ണുകൾ തുടച്ചു കൊണ്ടു ഏട്ടത്തി തിരക്ക് കൂട്ടി.

“അല്ല, ഏട്ടത്തി ഇപ്പോൾ എവിടെ പോകുന്നു..?

“ഇത്രയും ദിവസം ഇവിടെ കിടന്നു കഷ്ട്ടപ്പെട്ടിട്ട്,..സിനിയുടെ കഴുത്തിൽ താലികേറുന്നത് കാണുവാൻ നിൽക്കാതെപോവുന്നന്നോ ..?
അതിനും മാത്രം എന്തു സംഭവിച്ചു ഇവിടെ. ?”

അപ്പോൾ ആണ് സിനിഅവിടേക്ക് ഓടി കിതച്ചു വന്നത്. കല്യാണ പെണ്ണ് ഓടി വരുന്നത് കണ്ടു
എല്ലാവരുടെയും കണ്ണുകൾ അവിടെ എത്തി.
സിനി കിതച്ചു കൊണ്ടു പറഞ്ഞകാര്യങ്ങൾ കേട്ടു രക്തം തിളച്ചു.

വിവാഹമണ്ഡപത്തിലേക്ക് എത്തിയ ഏട്ടത്തിയെ
ചെറുക്കന്റെ അമ്മതടഞ്ഞു.
അകാലത്തിൽ വിധവയായസ്ത്രീകൾ മംഗളകാര്യങ്ങളിൽ പങ്കെടുക്കാൻ പാടില്ലത്രേ..!!
കുത്തുവാക്കുകൾ പറഞ്ഞു ഒരുപാട്ശകാരിക്കുകയും ചെയ്തു.

ഏട്ടത്തിയുടെ നിറഞ്ഞൊഴുകുന്ന കണ്ണുനീര് കണ്ടപ്പോൾ സഹിക്കാൻ പറ്റിയില്ല.
ബലമായി ഏട്ടത്തിയുടെ കൈ പിടിച്ചു മണ്ഡപത്തിൽ എത്തി.

“എല്ലാവരും ,ക്ഷമിക്കുക.. ഈ വിവാഹം നടക്കില്ല..”
ഉറച്ച എന്റെ വാക്കുകൾ കേട്ട് മായേച്ചി ഉൾപ്പടെ എല്ലാവരും ഞെട്ടുന്നത് കണ്ടു.

കൂടിയവർ പരസ്പരം നോക്കി പിറുപിറുത്തു.
കതിർമണ്ഡപത്തിൽ നിന്നും യദു എഴുന്നേറ്റു വന്നു.

“എന്താ അളിയാ, എന്തുവാ പ്രശ്നം..?”
അവന്റെ മുഖം മാറിയിട്ടുണ്ട്.

“നിന്റെ അമ്മയോട് ചോദിക്കു..”
യദുഅമ്മയുടെ അടുത്തേക്ക് പോകുന്നത് കണ്ടു.

“എന്താ മോനെ, എന്തുണ്ടായി..?”
അമ്മ,കയ്യിൽ പിടിച്ചു .

“അമ്മേ,..ഏട്ടത്തി മംഗളകാര്യങ്ങളിൽ നടക്കുന്ന ഭാഗത്തു വരുവാൻ പാടില്ലത്രേ..!”
അല്പം ഉറക്കെ തന്നെയാണ് പറഞ്ഞത്.

“ആണോ..! ആരാ മോനെ അങ്ങിനെ പറഞ്ഞത്..?അവളെ കൂടാതെ എന്റെ കുട്ടിയുടെ താലികെട്ടു ഉണ്ടാവില്ല.ഒരിക്കലും..”അമ്മ കിതയ്ക്കുന്നുണ്ടായിരുന്നു.

ആതുകേട്ടു,അവിടെ
കൂടിയവരിൽ മുറുമുറുപ്പ്കൾ ഉയർന്നു.

“അതു ,ചില കീഴ്‌വഴക്കം..ആവുമ്പോൾ..!”
പല അഭിപ്രായങ്ങൾ ഉയർന്നു വന്നു.

“ആരാണ് ..ഹേ ,ഈ ആചാരങ്ങൾ കൊണ്ടു വന്നത്..? നമ്മൾ തന്നെ അല്ലെ?
ഇതിലും ഭേദം ഭർത്താവിന്റെ ചിതയിൽ ചാടി മരിക്കുകആയിരുന്നു.. അല്ലെ..?
ഭർത്താവിന്റെ കാലശേഷം ഭാര്യ ഒരിക്കലും സുഖമായി ജീവിക്കാൻ പാടില്ല എന്ന ആരുടെ യോ വക്രബുദ്ധി യിൽ നിന്നും പുറത്തു വന്നതാണ് അന്നത്തെ സതി അറിയോ നിങ്ങൾക്ക്..?” എല്ലാ കണ്ണുകളും തന്നിൽ തറച്ചു.

“ഭർത്താവ് മരിച്ച സ്ത്രീകൾ ആജീവനാന്തം മരണപ്പെട്ട തന്റെ ഭർത്താവിനെ മാത്രം ഓർത്തുനീറി ,നീറി ആ ജന്മം കഴിയണം എന്നു ഒരു മതഗ്രന്ഥത്തിലും പറഞ്ഞിട്ടില്ല. അവളെ യും ആ ഈശ്വരൻ തന്നെയാണ് പടച്ചത്.അവളും മനുഷ്യഗണത്തിൽ പെട്ടത് തന്നെയാണ് എന്നു എല്ലാവരും മറക്കുന്നു. അവൾക്കു ഒരു പേരും ചാർത്തി കൊടുക്കുന്നു ‘വിധവ’.
പെണ്ണിന് മാത്രമെന്തേ ആ പേരു വന്നു..?
ഭാര്യ മരിച്ച പുരുഷന് എന്തേ പേരില്ലാത്തെ..?
സത്യത്തിൽ അതെന്തു നീതിയാണ്…?
ഭാര്യ മരിച്ച പുരുഷന് ഭാര്യയുടെ ശവസംസ് ക്കാരം കഴിഞ്ഞ ഉടൻ അടുത്ത വിവാഹത്തിനുള്ള ആലോചനകൾ തുടങ്ങുക യായി..!
എന്തേ.. ഇവിടെ രണ്ടു നീതി..?
ശരി പെണ്ണിനെ പെണ്ണിന്റെ വഴിക്ക് വിടാം. അപ്പോഴും സദാചാരകമ്മറ്റിക്കാർ വിടുകില്ലല്ലോ.
അവൾ ആരോടെങ്കിലും മിണ്ടിയാൽ തീർന്നു..
അവളെ തേവിടിശ്ശിയായി മുദ്ര കുത്തപ്പെടുന്നു.

നിങ്ങൾ പറയൂ ..പിന്നെ അവൾ എന്തു ചെയ്യും..?
കറുത്തമനസുള്ള ഈ സമൂഹത്തിൽ ആണ് നമ്മൾ ജീവിക്കുന്നത്. ഇതിനു ഒരു മാറ്റം വരണം.
മരിച്ച ഭർത്താവിനെ ഓർത്തുനീറികഴിയുന്നവളെ വാഴ്ത്തുകയാണ് വേണ്ടത്..
അല്ലാതെ ഇങ്ങിനെ താഴ്ത്തുകയല്ല വേണ്ടത്..”
പറഞ്ഞു നിർത്തി.
തിരിഞ്ഞു നടക്കാൻ തുടങ്ങിയപ്പോൾ യദു മുന്നിൽ വന്നുതടസ്സമായി നിന്നു .

“അളിയാ.. ക്ഷമിക്കൂ..അമ്മക്ക് ഇപ്പോൾ ആണ് കാര്യങ്ങൾ മനസ്സിലായത്.അമ്മ വർഷങ്ങൾക്കു മുന്നേ വിധവ ആയതാണ്.അമ്മയെ ഇതു പോലെ കുറെ ഇടങ്ങളിൽ നിന്നും ഇറക്കി വിട്ടിട്ടുണ്ട്.അതിന്റെ നൊമ്പരങ്ങൾഉള്ളിൽ അടക്കിവച്ചുപകയായി തീർന്നതാണ്‌.”

പയ്യന്റെ അമ്മ ഏട്ടത്തിയുടെ അടുത്തേക്ക് വന്നു. ഏട്ടത്തിയുടെ കണ്ണുനീർ തുടച്ചുകൊണ്ടു

“മോള് ക്ഷമിക്ക്‌..ഈ അമ്മക്ക് ഒരബദ്ധം പറ്റിയതാണ്..”

അവർ കൊച്ചു കുട്ടികളെപോലെ മാപ്പിരന്നു.

“അതേ, മുഹൂർത്തം ആയി.. ”
കർമ്മി അറിയിച്ചു.

ചെറുക്കന്റെ അമ്മപൂജിച്ച താലിഏട്ടത്തിയുടെ കയ്യിൽ കൊടുത്തു.
ഏട്ടത്തിയിൽ നിന്നാണ് വരൻ താലി വാങ്ങി പെണ്ണിന്റെ കഴുത്തിൽ ചാർത്തിയത്..
നാദസ്വരം മുറുകുമ്പോൾ അഭിമാനത്തോടെ നിൽക്കുന്ന ഏട്ടത്തിയുടെ മുഖം കണ്ടപ്പോൾ..
കണ്ണുകൾ വീണ്ടും ഏട്ടന്റെ ഫോട്ടോയിൽ പതിഞ്ഞു.
ഏട്ടന്റെ മുഖത്തുഒരു ചിരി മിന്നി മാഞ്ഞുവോ..?

ശുഭം.
By..,
Nizar vh.

എന്റെ ഭാര്യ ഒരു തെറ്റ് ചെയ്തു. പക്ഷെ ഞാന്‍ അവളെ വഴക്ക് പറയുകയോ, ഇട്ടിട്ട് പോവുകയോ ഒന്നും ചെയ്തില്ല. പകരം ഞാന്‍

☞☞☞☞ ഭാര്യയുടെ കാമുകൻ ☜☜☜☜

” രമ്യാ സത്യം പറ, നീ ആരുമായാ രാത്രിയില്‍ ചാറ്റുന്നത്”

ഹരിയുടെ പെട്ടെന്നുള്ള ചോദ്യം കേട്ട് രമ്യ ഒന്ന് ഞെട്ടി

” ഹരിയേട്ടൻ എന്താ ഈ പറയണേ, നമ്മള്‍ രണ്ടു പേരും ഒരുമിച്ചല്ലേ എന്നും കിടക്കാറ്, പിന്നെ ഞാന്‍ എപ്പോ ചാറ്റാനാ”

അവള്‍ ഒന്നു നിറുത്തിയിട്ട് ഹരിയെ നോക്കി കണ്ണുരുട്ടി

” ഹും… ഇപ്പോ സംശയ രോഗവും തുടങ്ങിയോ”

ഹരി അവളുടെ കണ്ണിലേക്ക് നോക്കി

” എന്റെ രമ്യ നന്നായി അഭിനയിക്കാനൊക്കെ പഠിച്ചല്ലോ”

രമ്യയുടെ മുഖം ചുവന്നു

” ദേ ഹരിയേട്ടാ, എനിക്ക് ദേഷ്യം വരുന്നുണ്ട് ട്ടോ”

രമ്യ അടുക്കളയിലേക്ക് വേഗത്തില്‍ പോകാനൊരുങ്ങി. അവളെ തടഞ്ഞ് ഹരി

” വേണ്ട… അഭിനയം ഇനി വേണ്ട. ഞാന്‍ എല്ലാം മനസ്സിലാക്കിയിരിക്കുന്നു. ഞാന്‍ ഉറങ്ങി എന്ന് കരുതി രാത്രിയില്‍ നീ നിന്റെ കള്ള കാമുകനുമായി ചാറ്റുന്നതും, അശ്ലീല സംഭാഷണങ്ങൾ നടത്തുന്നതും കുറച്ച് ദിവസങ്ങളായി ഞാന്‍ കേൾക്കുന്നുണ്ട്. അതുകൊണ്ട് അഭിനയം വേണ്ട”

രമ്യ പൊട്ടിക്കരഞ്ഞുകൊണ്ട് ഹരിയുടെ കാൽകൽ വീണു

” ഹരിയേട്ടാ മാപ്പ്. നമ്മളുടെ മക്കളെ കരുതിയെങ്കിലും എനിക്ക് മാപ്പ് തരണം. ഞാന്‍ ചെയ്ത മഹാപാപത്തിന് എന്ത് പ്രായശ്ചിത്തം വേണമെങ്കിലും ഞാന്‍ ചെയ്യാം”

ഹരി അവളെ പിടിച്ചുയർത്തി

” ഈ കണ്ണുനീര്‍ മതി നീ ചെയ്ത തെറ്റ് കഴുകി കളയാൻ. പക്ഷെ നീ എനിക്ക് വേണ്ടി ഒരു കാര്യം കൂടി ചെയ്യണം”

ഒന്നു നിറുത്തിയിട്ട് ഹരി തുടര്‍ന്നു

” എന്നെക്കാള്‍ നിനക്ക് സന്തോഷം തരുന്ന, എന്നെക്കാള്‍ കൂടുതല്‍ നിന്നെ സ്നേഹിക്കുന്ന ആ രസികനായ കാമുകന്റെ ഭാര്യയെ നീ നിന്റെ കൂട്ടുകാരിയാക്കണം. അവളുടെ സുഖവും, ദുഃഖവും, സന്തോഷവും എല്ലാം തുറന്ന് പറയാന്‍ പറ്റുന്ന ഒരു കൂട്ടുകാരിയായി നീ മാറണം. ഇനി അതിന് ശേഷമേ നമ്മള്‍ തമ്മില്‍ കാണൂ. എന്നോട് കൂടുതലൊന്നും ചോദിക്കരുത്”

രമ്യ ഹരി പറഞ്ഞത് തലയാട്ടി സമ്മതിച്ചു.

ദിവസങ്ങള്‍ക്ക് ശേഷം. ഇന്ന് ഹരിയും രമ്യയും ഹാപ്പിയാണ് അവര്‍ക്കിടയില്‍ കള്ളവുമില്ല ചതിയുമില്ല.

” രമ്യാ, നിന്റെ കാമുകനെ ഇന്ന് ഞാന്‍ കാണാന്‍ പോവാ”

അവള്‍ ഒന്ന് പുഞ്ചിരിച്ചു.

ഹരി കാമുകന്റെ ഓഫീസില്‍ പോയി അയാളെ കണ്ടു. രമ്യയുടെ ഭര്‍ത്താവാണെന്ന് പറഞ്ഞ് പരിചയപ്പെടുത്തിയപ്പോൾ അയാളൊന്ന് പരുങ്ങി

” എന്റെ ഭാര്യ ഒരു തെറ്റ് ചെയ്തു. പക്ഷെ ഞാന്‍ അവളെ വഴക്ക് പറയുകയോ, ഇട്ടിട്ട് പോവുകയോ ഒന്നും ചെയ്തില്ല. പകരം ഞാന്‍ അവളോട് ഒരു കാര്യം ആവശ്യപ്പെട്ടു. നിങ്ങളുടെ ഭാര്യയുമായി അടുക്കാൻ, അത് എന്റെ ഭാര്യ ഭംഗിയായി ചെയ്തു. നിങ്ങളുടെ ഭാര്യയിൽ നിന്നും അവള്‍ മനസ്സിലാക്കി അവളുടെ കാമുകന്റെ യഥാര്‍ത്ഥ മുഖം. സ്വന്തം ഭാര്യയെ മൃഗീയമായി തല്ലുന്ന, സ്നേഹത്തോടെ ഒരു വാക്ക് പോലും സംസാരിക്കാത്ത നിങ്ങള്‍ മറ്റുള്ള സ്ത്രീകളുമായി കൊഞ്ചുന്നതും കുഴയുന്നതും അവരെ ഒന്നോ രണ്ടോ തവണ ഉപയോഗിക്കാന്‍ വേണ്ടി മാത്രമായിക്കാം. പക്ഷെ അവിടെ തകരുന്നത് ഒരു കുടുംബമാണ്, ഒരുപാട് പ്രതീക്ഷകളാണ്. തന്റെ ഭര്‍ത്താവിനെ കുറിച്ച് എല്ലാ ഭാര്യമാരും ആഗ്രഹിക്കുന്നത്, എപ്പോഴും കൂടെ വേണമെന്നും കൊഞ്ചണമെന്നും എന്നൊക്കെതന്നെയാണ് പക്ഷെ ജീവിക്കാനുള്ള ഓട്ടത്തിനിടയിൽ ചിലപ്പോള്‍ ഞങ്ങള്‍ ഭര്‍ത്താക്കൻമാർ അത് അങ്ങ് മറക്കും. ആ അവസരം നിന്നെപ്പോലെയുള്ള കള്ള കാമുകാൻമാർ വളരെ തന്ത്രപരമായി ഉപയോഗിക്കും”

ഒന്നു നിറുത്തിയിട്ട് ഹരി തുടര്‍ന്നു

” ഇതൊക്കെ നിങ്ങളോട് ഞാന്‍ പറയുന്നത്, ഇനിയെങ്കിലും തമാശകളും എളിമയും കാണിച്ച് ഏതെങ്കിലും വീട്ടില്‍ സമാധാനത്തോടെ ജീവിക്കുന്ന സ്ത്രീകളുടെ പിറകെ പോകാതെ സ്വന്തം വീട്ടിലുള്ള ഭാര്യയെ ഒന്ന് സ്നേഹിക്കാൻ ശ്രമിക്കൂ. സ്വന്തം മക്കളെ ലാളിക്കാൻ ശ്രമിക്കൂ. അത് ആസ്വദിക്കാന്‍ കഴിഞ്ഞാല്‍ പിന്നെ നിങ്ങള്‍ എവിടെയും പോകില്ല. ഈ ഭാര്യയും ഭര്‍ത്താവും തമ്മിലുള്ള ബന്ധം നാലു കാലുള്ള കട്ടിലിന്റെ മുകളില്‍ മാത്രമല്ല ”

ഇത്രയും പറഞ്ഞ് ഹരി തിരിഞ്ഞു നടന്നു, കുറച്ച് ദൂരം കഴിഞ്ഞ് ഒന്നു നിന്നു

” ആ പിന്നെ, ഞാന്‍ എന്റെ ഭാര്യയെ വഴക്ക് പറയുകയോ , ഉപേക്ഷിക്കുകയോ ചെയ്തിരുന്നെങ്കിൽ അവള്‍ നിന്റെ ചിലന്തി വലയിൽ എളുപ്പത്തില്‍ കുടുങ്ങിയേനേ. ഇപ്പോള്‍ അവള്‍ക്ക് അറിയാം ഭര്‍ത്താവ് എന്നാല്‍ എന്താണ് ജീവിതം എന്നാല്‍ എന്താണ് എന്ന്. അവളെ എന്റെ കാല്‍ കീഴില്‍ അല്ല എനിക്ക് വേണ്ടത്, എന്റെ തോളോട് തോൾ ചേര്‍ന്ന് നടക്കാനാ അവളെ എനിക്ക് വേണ്ടത്”

സിനാസ് സിനു